ផ្អើលអ្នកគាំទ្រកកកុញក្តាំងពេញព្រលាន ទៅជូនដំណើរតារាប្រុសស្រី ៦ ដួង ពេលឡើងយន្ដហោះទៅសិង្ហបុរី

នៅព្រឹកថ្ងៃទី ១៣ ខែកក្កដា ឆ្នាំ ២០២២ នេះ ផ្ទុះការភ្ញាក់ផ្អើលពេញព្រលានយន្តហោះសុវណ្ណភូមិថៃ ក្រោយមានអ្នកគាំទ្រជាច្រើនមកប្រមូលផ្តុំគ្នាយ៉ាងច្រើនកកកុញ ជាពិសេសគឺហ្វេនតារា BL ដើម្បីចូលរួមជូនដំណើរក្នុងដួងចិត្តទៅបំពេញការងារនៅក្រៅប្រទេស។

ក្នុងនោះមានតារាថៃល្បីឈ្មោះ ៦ ដួង មានដូចជា Gulf Kanawut, Bow Maylada, Bright Vachirawit, Win Metawin, JJ Jaylerr និង Thanaerng Kanyawee កំពុងត្រៀមខ្លួនចេញពីប្រទេសថៃ ធ្វើដំណើរឆ្ពោះទៅប្រទេសសិង្ហបុរី ដើម្បីចូលរួមកម្មវិធីហ្វេសសិន BURBERRY’s TB Summer Monogram ក្រោមការអញ្ជើញរបស់យីហោ Burberry។

នេះជាការរួមការងារដំបូងរបស់តារាប្រុសស្រីទាំង ៦ រូប ដែលធ្វើឱ្យអ្នកគាំទ្រសប្បាយរីករាយ និងរំភើបជាខ្លាំង ហើយក៏មានការជូនពរពេញ Twitter និង IG ផងដែរ៕