យ៉ូយ! Aff ប៉ះដៃគូថ្មី កំលោះ Nonkul គម្លាតអាយុ ១៥ ឆ្នាំ បង្ហាញទំនាក់ទំនងផ្អែមខ្លាំង ធ្វើឱ្យអ្នកគាំទ្រកាន់តែក្នាញ់

ដូចដែលប្រិយមិត្តបានដឹងហើយថា ថ្មីៗនេះកំពូលតារាស្រី Aff Taksaorn អាយុ ៤១ ឆ្នាំ និង តារាសម្ដែងប្រុសវ័យក្មេងលោក Nonkul Chanon វ័យទើបតែ ២៦ ឆ្នាំ បានក្លាយជាដៃគូសម្ដែងរឿងជាមួយគ្នា ដែលធ្វើឱ្យមហាជនមានការពេញចិត្តជាខ្លាំង។ ដ្បិត Aff មានអាយុបងតារាប្រុស Nonkul ក៏ដោយ តែដៃគូមួយគូនេះ ពិតជាស័ក្តិសមគ្នាខ្លាំងណាស់។

ចាប់តាំងតែក្លាយជាដៃគូសម្ដែងជាមួយគ្នាមក គេឃើញថា តារាស្រី Aff និង អ្នកកំលោះ Nonkul តែងបានចេញមកធ្វើសកម្មភាពជាមួយគ្នា ដូចជាលេងTik Tok បែបស្និទ្ធស្នាល និង តែងទៅណាមកណារួមគ្នាមិនសូវដាច់ឡើយ។

តួយ៉ាង ថ្មីៗនេះ អ្នកទាំងពីរបានចេញមកបង្ហោះវីដេអូលេង Tik Tok បញ្ចុកការ៉េមគ្នាយ៉ាងផ្អែមល្អែម ដែលធ្វើឱ្យអ្នកគាំទ្រសម្ដែងការពេញចិត្ត និង អៀនជំនួសតារាស្រី Aff ជាខ្លាំង។ ក្រោយបង្ហោះវីដេអូបញ្ចុកការ៉េមនោះ គេក៏ឃើញមហាជនចូលទៅបញ្ចេញមតិក្រឺតក្នាញ់ និង ចុចបេះដូងឱ្យគ្រប់គ្នានោះ មហាជនក៏នឹកឃើញដល់ពាក្យសរសើរពីសម្រស់ Aff ដូចគ្នា ដោយនាងនៅតែក្មេង និង ស្រស់ស្អាតដដែល ហាក់មិនចាស់ឡើយ៕