លេងអស់ដៃហើយ! ធ្លាយកន្លែងដែល Weir រើសសម្រាប់ធ្វើពិធីរៀបការ ប្រណីតហើយអភិជនទៀត
ពេលវេលាដែលមហាជន ក៏ដូចជាតារាប្រុស Weir និង អនាគតភរិយាកំពុងតែទន្ទឹងរង់ចាំ ពេលនេះកាន់តែកៀកខិតជិតចូលមកដល់ហើយ ដែលធ្វើឱ្យម្នាក់ៗហាក់រំភើបចិត្តជំនួសកូនកំលោះក្រមុំតែម្តង ព្រោះពិធីមង្គការរបស់អ្នកទាំងពីនឹងប្រព្រឹត្តទៅនៅថ្ងៃទី ១៧ ខែកក្កដា ឆ្នាំ ២០២២ ខាងមុខនេះហើយ។
យ៉ាងណាមិញ ជឿជាក់ថាមហាជនប្រាកដជាចង់ដឹងទៀតហើយថា តើពិធីមង្គការរបស់តារាប្រុស Weir នឹងប្រព្រឹត្តទៅនៅកន្លែងណានោះ? ក្នុងនោះបើតាមការទម្លាយឱ្យដឹងមកថា ពិធីមង្គលការរបស់តារាប្រុស Weir នឹងធ្វើឡើងនៅសណ្ឋាគារប្រណីតល្បីដែលមានឈ្មោះថា «CAPELLA BANGKOK»។
សម្រាប់កន្លែងរៀបចំពិធីផ្ទាល់គឺមានលក្ខណៈធំទូលាយ ជាបន្ទប់ Ballroom អាចទទួលភ្ញៀវបានរហូតទៅដល់ ៩០០ នាក់ឯណោះ។ មួយវិញទៀត សណ្ឋាគារមួយនេះក៏មានទីតាំងនៅជួរមាត់ទន្លេរចៅផាយ៉ាង អាចធ្វើឱ្យភ្ញៀវ អាចមើលឃើញទេសភាពដ៏ស្រស់ត្រកាល និង មាត់ទន្លេបានយ៉ាងច្បាស់ថែមទៀតផង៕
