កំពូលតារាលុយសល់រាប់លាន តែ Sririta ធ្វើសកម្មភាពប្រចាំថ្ងៃសាមញ្ញៗ

រំឭកដល់ឈ្មោះនារីដែលមានសំណាងបានស្វាមីសេដ្ឋី រស់នៅសោយសុខលើគំនរមាសពេជ្រកែវកង ប្រិយមិត្តប្រាកដជាអាចនឹកឃើញដល់ឈ្មោះតារាស្រីរូបស្រស់ Sririta Jensen ម្នាក់ក្នុងចំណោមតារាស្រីល្បីៗផ្សេងទៀត ព្រោះថាស្រីស្រស់រូបនេះ មិនត្រឹមតែជាតារាស្រីលំដាប់ជួរមុខទេ តែបើនិយាយពីរឿងជីវិតគូរបស់នាងវិញ ក៏មហាសំណាង បានស្វាមីយល់ចិត្ត ស្រឡាញ់ និង សាងគ្រួសារយ៉ាងមានក្ដីសុខពិតៗ។

យ៉ាងណាមិញ បើទោះបីជាមានឈ្មោះជាតារាល្បី មានប្រាក់ចាយមិនខ្វះក៏ដោយ បើងាកមកមើលជីវិតការរស់នៅរបស់នាងវិញ Sririta នាងធ្លាប់ភ្លក់ស្ទើរតែគ្រប់រសជាតិអស់ហើយ មិនថាចាយជីវិតហាយសូរ ជះលុយលើការទិញរបស់ប្រេ៊នៗ ឬ ក៏ការប្រើប្រាស់ជីវិតសាមញ្ញនោះឡើយ។

ពិសេស ថ្មីៗនេះរូបភាពដ៏សាមញ្ញរបស់នាងប៉ុន្មានសន្លឹក កំពុងតែធ្វើឱ្យមហាជនផ្ទុះការចាប់អារម្មណ៍ និង សរសើរជាខ្លាំងចំពោះនាងថា ជាតារាល្បីក៏ពិតមែន តែនាងហាក់មិនប្រកាន់ខ្លួនទាល់តែសោះ  ព្រោះកន្លងមកនាងតែងតែលេចមុខញុំាអាហារ និង ទិញអីវ៉ាន់នៅតាមតូបចិញ្ចើមផ្លូវជារឿយៗ ដោយមិនខ្វាយខ្វល់ថា អ្នកណាមើលមកយ៉ាងម៉េចឡើយ៕ សូមទស្សនារូបភាព នៃសកម្មភាពប្រចាំថ្ងៃដ៏សាមញ្ញរបស់ អ្នកម៉ាក់កូនមួយ Sririta ខាងក្រោម៖