(វីដេអូ) មិនស្មានសោះ! វណ្ណដា សុខចិត្តចោលលុយរាប់ម៉ឺនមិនទទួលកម្មវិធីរហូត ៥០ ព្រោះដើម្បីរឿងនេះ

មហាជនអ្នកគាំទ្រសុទ្ធសឹងតែបានជ្រាបហើយថា បច្ចុប្បន្នកំពូលតារាចម្រៀងប្រុស Original Song លោក វណ្ណដា កាន់តែទទួលបានភាពជោគជ័យខ្លាំងក្នុងវិស័យចម្រៀង ដែលពីមួយថ្ងៃទៅមួយថ្ងៃកាន់តែមានសន្ទុះនៃការស្រឡាញ់គាំទ្រពីយុវវ័យខ្លាំងឡើងជាមួយស្នាដៃនៃបទថ្មីៗរបស់លោក។

ម្យ៉ាងវិញទៀត ស្របពេលដែលតារាចម្រៀងរ៉េបរូបនេះ កំពុងតែឆ្ពោះទៅកាន់ភាពជោគជ័យលើវិស័យសិល្បៈនេះ និង កាន់តែមានទីផ្សារខ្លាំងឡើង ដែលឃើញថាលោកត្រូវបានបណ្ដាកម្មវិធីជាច្រើនធ្វើការអញ្ជើញចូលរួមសម្ដែងលើឆាកប្រគំតន្រ្តីជាបន្តបន្ទាប់ បើនិយាយចំពោះតម្លៃខ្លួនវិញគឺជឿជាក់ថាមិនក្រោមខ្ទង់ពាន់ដុល្លារនោះឡើយ។

ដោយឡែក មួយរយៈនេះគេសង្កេតឃើញលោក វណ្ណដា មិនសូវបង្ហាញខ្លួនលើឆាកប្រគំតន្រ្តីច្រើនឡើយ ដោយថ្មីៗនេះកំពូលតារារ៉េបរូបនេះ ក៏បានបង្ហោះឱ្យដឹងថា លោកសុខចិត្តមិនទទួលកម្មវិធី Event រហូតដល់ទៅ ៥០ ឯណោះ គឺដើម្បីតែព្យាយាមបញ្ចប់ Album ថ្មីរបស់ខ្លួនឱ្យបានល្អ ដែលជាស្នាដៃបទថ្មីគឺ «NIGHT THINKER» នៃ Skull ២ «Season1» សម្រាប់អ្នកគាំទ្រ ដោយពេលនេះបានចេញជាផ្លូវការហើយ។

ក្នុងនោះ លោក វណ្ណដា បានរៀបរាប់ថា ៖ «អត់ទទួល Event រហូតដល់ 50 events ដើម្បីបញ្ចប់ Season1 របស់ Skull ២ នេះឱ្យដូចអ្វីដែលខ្ញុំចង់បាន។ អរគុណទៅកាន់អ្នកដែលបានរួមដំណើរនិង អ្នកគាំទ្រទាំងអស់គ្នា Now It’s time to get back on stage!»៕

សូមទស្សនាវីដេអូខាងក្រោម៖