បានជួបសិ្នទ្ធស្នាលនឹង Jackson ម្តង Golf ទ្រាំមិនបាន លេងទម្លាយចរិត Jackson ខ្ទេច
កាលពីថ្ងៃទី ១២ ខែកក្កដា ឆ្នាំ ២០២២ កន្លងទៅនេះ តារាប្រុសល្បីបានមានកិត្តិយសត្រូវគេអញ្ញើញមកសម្តែងចម្រៀងបើកព្រឹត្តការណ៍ប្រកួតកីឡាបាល់ទាត់មិត្តភាពដ៏ធំអស្ចារ្យ THE MATCH BANGKOK CENTURY CUP 2022 នៅទីក្រុងបាំងកក ប្រទេសថៃ ដែលរូបលោកពិតជាបានការគាំទ្រយ៉ាងខ្លាំងពីសំណាក់មហាជន។
យ៉ាងណាមិញ ក្រោយពីបានបញ្ចប់ភារកិច្ច Jackson ក៏មិនបានត្រឡប់ទៅប្រទេសរបស់ខ្លួនវិញភ្លាមៗដែរ គេបានបន្តប្រើប្រាស់ពេលវេលាជាច្រើនថ្ងៃនៅប្រទេស ដោយបានដើរកម្សាន្តដើរភ្លក់អាហារផ្សេងៗជាញឹកញាប់ ហើយថែមទាំងលេចមុខក្នុងបទសម្ភាស ព្រមទាំងបានទៅកម្មវិធីជប់លៀងស្គាល់តារាល្បីៗរបស់ថៃជាច្រើននាក់ទៀតផង។
ក្នុងនោះ Golf Pichaya ក៏ជាតារាថៃមួយរូប ដែលបានជួបគ្នាសំណេះសំណាលយ៉ាងស្និទ្ធស្នាលជាមួយនឹង Jackson ផងដែរ។ ជាក់ស្តែង នៅក្នុងការសម្ភាសមួយថ្មីៗនេះ Golf ក៏ទម្លាយរឿងរ៉ាវជាច្រើនទាក់ទងនឹងភាពស្និទ្ធស្នាលរបស់ខ្លួនជានឹង Jackson ដូចគ្នា។
Golf បានឱ្យដឹងថា Jackson ពិតជាគួរឱ្យស្រឡាញ់ណាស់ គេហៅរូបលោកថា បងៗពេញមាត់តែម្តង ហើយលោកក៏មិនធ្លាប់គិតថាគេមានចរិតរួសរាយរាក់ទាក់ដល់ថ្នាក់នេះនោះទេ លោកពិតជាភ្ញាក់ផ្អើល និង មិនធ្លាប់ឃើញអ្នកណារួសរាយបែបនេះឡើយ ម្យ៉ាងគេដល់ថ្នាក់ជាតារាលំដាប់ពិភពលោកទៀត។
Golf បន្តទៀតថា Jackson ជាមនុស្សពូកែ និង តស៊ូណាស់ ហើយលោក និង គេពិតជាមានអ្វីៗស្រដៀងគ្នាច្រើន ទាំងរឿងការធ្វើភ្លេង និង រឿងហ្វេសសិន ជាដើម។ យ៉ាងណាមិញ Golf បានដឹងថា បើសិនជាខ្លួនមានឱកាស ខ្លួនពិតចង់រួមការងារជាមួយ Jackson ផងដែរ។
ដោយឡែក មហាជនអ្នកគាំទ្រវិញ ក៏នឹកសរសើរដូចគ្នា ដែលបានសិ្នទ្ធស្នាលជាមួយនឹង Jackson ដល់ថ្នាក់នេះ ហើយគេសង្ឃឹមថាតារាទាំងពីរនេះអាចនឹងមានការងារសិល្បៈរួមគ្នាដូចដែល Golf បានប៉ងផងដែរ៕
