យ៉ូយ! លើកដំបូងហើយ Freu ហ៊ាននិយាយពាក្យអ៊ីចឹងជាមួយ Kao

អស់រយៈពេលជាយូរខែណាស់ដែរមកហើយ ដែលតារាស្រីរូបស្រស់ kao Supassara បានប្រកាសផ្តាច់ទំនាក់ទំនងស្នេហាជាមួយអតីតគូស្នេហ៍របស់នាងនោះ។ ក្នុងនោះដែរ គេសង្កេតឃើញថា បន្ទាប់ពីស្ពាយឈ្មោះ Single មក តារាស្រីរូបនេះហាក់ត្រូវបានមហាជនចាប់ក្រសែភ្នែកមើលនាងស្ទើរមិនរំលងឡើយ។

ជាពិសេស ថ្មីៗនេះតារាស្រីរូបនេះហាក់កំពុងតែធ្វើឱ្យប្រុសៗងាកមើល និង គយគន់ពីសម្រស់របស់នាងស្ទើរគ្រិចកតែម្តង ព្រោះចាប់តាំងពីនៅទំនេរខ្លួនមួយមក នាងតែងបង្ហាញរូបភាពសិចស៊ី ព្រលែងសាច់សខ្ចីស្ទើរមិនលស់មួយថ្ងៃណាឡើយ។

អ្វីដែលសំខាន់ គ្រាន់តែតារាស្រី kao Supassara បង្ហោះរូបភាពសិចស៊ីប៉ុន្មានសន្លឹកសោះ ធ្វើឱ្យអ្នកគាំជាច្រើនជ្រួលច្របល់ចូលទៅបញ្ចេញមតិព្រោងព្រាត។ អ្វីដែលចាប់អារម្មណ៍ ក្នុងនោះគេឃើញមានតារាប្រុសលោក Freu Natthapong ម្នាក់ផងដែរ ដែលបានចូលទៅនិយាយលេបខាយ ធ្វើឱ្យអ្នកគាំទ្រអៀនជំនួសព្រាត។ Freu បានសរសេរនៅក្រោមការបង្ហោះរូបរបស់ kao Supassara យ៉ាងដូច្នេះថា ៖ «អ្នកណាមិនញ៉ែ ខ្ញុំញ៉ែហើយណា»។

ក្រោយឃើញការសរសេររបស់ Freu បែបនេះ មហាជនហាក់បើកភ្នែកធំៗ និង មិននឹកស្មានសោះថា តារាប្រុសរូបនេះ ហ៊ាននិយាយពាក្យទាំងនេះជាសាធារណៈ ដាក់ Kao បែបនេះសោះ៕