ដល់ក! Toey ហូរទឹកភ្នែកសស្រាក់ ក្រោយឃើញ Jackson ឡើងច្រៀងក្នុងកម្មវិធី The Wall Song

កាលពីរាត្រីថ្ងៃទី ២៨ ខែកក្កដា ឆ្នាំ ២០២២ កន្លងទៅនេះ ពិតជាធ្វើឱ្យមហាជនមានការភ្ញាក់ផ្អើលជាខ្លាំងសម្រាប់កម្មវិធីកម្សាន្ត The Wall Song បន្ទាប់ពីកម្មវិធីបានរៀបចំយ៉ាងពិសេស ដោយបានអញ្ជើញតារាចម្រៀង K-Pop សមាជិកក្រុម Got 7 លោក Jackson Wang មកច្រៀង។

មហាជនថៃជាច្រើនហាក់ស្រឡាំងកាំង បន្ទាប់ពីវត្តមានកំពូលតារា K-Pop ដ៏ល្បីបានទៅច្រៀងលើឆាកកម្សាន្ត The Wall Song ជាមួយនឹងតារាស្រីថៃ Milli បែបនោះ។ មិនត្រឹមតែមហាជនឡើយដែលស្រឡាំង និង ភ្ញាក់ផ្អើលសូម្បីតែ ភ្ញៀវកិត្តិយសដែលចូលរួមក៏មានរំភើបចិត្តផងដែរ។

ដោយឡែកងាកទៅមើលតារាប្រុស Toey Pongsakorn ដែលជាតារាសម្ដែងប្រុសប្រចាំប៉ុស្តិ៍ទូរទស្សន៍លេខ ៣ ថៃ ដែលបានអញ្ជើញចូលរួមនោះ ខណៈដែលឃើញតារាប្រុស Jackson ភ្លាមលោកហាក់រំជួលចិត្តដល់ថ្នាក់ហូរទឹកភ្នែកដោយក្ដីរំភើបចិត្តខ្លាំង ពីព្រោះថា លោក ក៏ជាអ្នកគាំទ្រម្នាក់ដែលស្រឡាញ់ចូលចិត្តតារាប្រុស Jackson ដែរ៕