ឆ្លងខួបរៀបការ ១០ ឆ្នាំហើយភ្លាម Poh ដឹកដៃភរិយា និងកូនៗ ទៅធ្វើរឿងនេះភ្លែត
បើនិយាយពីគូស្វាមីភរិយាតារាប្រុសស្រី Poh Natthawut និង Aey Pornthip មហាជនភាគច្រើន មុខជាបានស្គាល់ច្បាស់ថា ជាគូស្វាមីដែលពោរពេញដោយភាពផ្អែមល្ហែម មានសម្រស់ស្រស់ស្អាត និង សង្ហា ព្រមទាំងមានប្រជាប្រិយភាពដូចគ្នា។
គេសង្កេតឃើញថាតារាប្រុសស្រីគូនេះ តែងបណ្តើរគ្នាទៅណាមកណាជាញឹកញាប់ ជាពិសេស Poh ហាក់ស្រឡាញ់ហួងហែង Aey ជាខ្លាំង មិនឱ្យឃ្លាតបាត់ពីក្រសែភ្នែកឡើយ។
ថ្មីៗនេះ Poh និង Aey បានឆ្លងខួបអាពាហ៍ពិពាហ៍ ១០ ឆ្នាំរួមគ្នាយ៉ាងរ៉ូមែនទិក អមដោយសារផ្អែមល្ហែមពោលទៅកាន់គ្នាទៅវិញទៅមក។ លើសពីនេះទៀត ក្រោយឆ្លងខួបរៀបការរួច គេសង្កេតឃើញថា Poh បានដឹកដៃភរិយា និង កូនៗ នាំគ្នាធ្វើដំណើរឆ្លងប្រទេស ដើម្បីដើរកម្សាន្តជាលក្ខណៈគ្រួសាររួមគ្នាជាលើកដំបូង សម្រាប់ឆ្នាំ ២០២២ នេះផងដែរ។
ដំណើរកម្សាន្តលើកនេះគេសង្ស័យថា Poh នឹងនាំគ្រួសារទៅលេងកោះម៉ាល់ឌីវ ក្រោយឃើញតារាប្រុសរូបនេះ Check in នៅព្រលានយន្តហោះជាមួយសារដែលភ្ជាប់ដោយ Hastag ថា «ទៅម៉ាល់ឌីវជាមួយ Air Asia»៕
