អ្នកគាំទ្របារម្ហរឿងស្រកសាច់ពេក ឥលូវ Mai Davika ចេញមុខបកស្រាយហើយ!

ក្រៅពីមានសមត្ថភាពសិល្បៈយ៉ាងស្ទាត់ជំនាញហើយ តារាស្រីកូនកាត់ Mai Davika ក៏ថែមទាំងមានមុខមាត់រូបរាងស្រស់ស្អាត ប្លែកសោភាជាងគេទៅទៀត វាពិតជាធ្វើឱ្យមហាជនអ្នកគាំទ្រ អត់ច្រណែនមិនបានតែម្តង។

Mai Davika មានរាងស្លីម ចង្កេះអង្ក្រង ខ្ពស់ស្រឡះ ព្រមទាំងមានភ្នែកមូលក្រឡង់ ស្រស់ស្អាតតាមបែបអ៊ឺរ៉ុប មើលទៅគួរឱ្យទាក់ទាញខ្លាំងណាស់ ប៉ុន្តែមួយរយៈក្រោយនេះ គេក៏សង្កេតឃើញថា នាងហាក់រឹតតែស្រកសាច់ជាងមុនទៅទៀត ជាពិសេសគឺចង្កេះនៅត្រឹមលេខ ២២ ប៉ុណ្ណោះ ដែលធ្វើឱ្យមហាជនអ្នកគាំទ្រទាំងឡាយបារម្ភជាងខ្លាំង​ ចំពោះសុខភាពរបស់នាង។

យ៉ាងណាមិញ បើទោះជាស្រកសាច់ជាងមុនយ៉ាងណាក្តី តែមើលទៅសុខភាពរបស់ស្រីស្រស់ Mai Davika មិនបានអន់ថយនោះទេ ពោលគឺនាង នៅតែធ្វើការ​បានធម្មតា ហើយចំណែកមុខមាត់ក៏ហាក់កាន់តែប្លែកជាងមុនទៀតផង។

ទាក់ទងជាមួយនឹងរឿងទម្ងន់របស់ខ្លួននេះ ថ្មីៗនេះស្រីស្រស់ Mai ក៏បានដាច់ចិត្តចេញមុខមកបកស្រាយហើយ ដែលធ្វើឱ្យមហាជនអ្នកគាំទ្រភ្ញាក់ផ្អើលមិនតិចឡើយ។ ក្នុងនោះ នាងបានឱ្យដឹងថា នាងអរគុណទៅគ្រប់គ្នា ដែលតែងតែបារម្ភពីនាងកន្លងមក​។ នាងស្គមពិតមែន ប៉ុន្តែសុខភាពនាងនៅល្អធម្មតាទេ​។ ចំពោះការបារម្ភរបស់មហាជន នាងក៏បានយកមកគិត ហើយក៏ព្យាយាមកែប្រែខ្លួនឯងផងដែរ។

នាងជាមនុស្សស្រកទម្ងន់ក៏ងាយ ហើយឡើងទម្ងន់វិញក៏ងាយដែរ។ តាមពិតទៅ នាងក៏ញ៉ាំអាហារដូចធម្មតា តែគ្រាន់តែធ្វើការច្រើន​ ទើបស្គមបែបនេះ តែទោះជាយ៉ាងណា នាងក៏សប្បាយចិត្តជាមួយរូបរាងរបស់នាងគ្រប់ទម្រង់។ ពេលមានរាងបែបនេះ នាងពេញចិត្តណាស់ ប៉ុន្តែបើថ្ងៃណាមួយ មានសាច់ជាងនេះ នាងក៏ពេញចិត្ដដែរ ហើយឥលូវនេះ នាងក៏មានគម្រោងចង់ឡើងទម្ងន់បន្តិចដែរ។ មិនតែប៉ុណ្ណោះ នាងថែមទាំងព្រលយឱ្យដឹងថា ការឡើងទម្ងន់ គឺវាមិនពិបាកទេ សម្រាប់នាង។

យ៉ាងណាមិញ មហាជនអ្នកគាំទ្រ​ ក៏បានចូលរួមលើកទឹកចិត្តនាងជាពាក្យពេជន៍ផ្សេងៗផងដែរ​ ហើយគេក៏សង្ឃឹមថា នាងទទួលបានទម្ងន់ និង រូបរាងដែលនាងប៉ងដូចគ្នា៕