ជួបគ្នាម្តងនេះ Tao ទម្លាយអាថ៌កំបាំងមួយរបស់ Jackson អស់ពេល ១២ ឆ្នាំដែលគេមិនដែលធ្វើរឿងនេះ
ខណៈពេលនេះ តារាចម្រៀង K-Pop ដ៏ល្បីសមាជិកក្រុម Got 7 លោក Jackson Wang កំពុងតែផ្ទុះការគាំទ្រខ្លាំងពីសំណាក់មហាជនថៃ។ ជាពិសេសមានតារាសម្ដែង តារាចម្រៀង អ្នកនៅក្នុងចង្កោមសិល្បៈថៃជាច្រើនហាក់សម្ដែងការគាំទ្រ ដោយម្នាក់ៗចង់ជួប Jackson គ្រប់ៗគ្នា។
សម្រាប់តារាប្រុស Jackson ជាមនុស្សរួសរាយ មិនប្រកាន់ខ្លួនជាតារាល្បីឡើយ ដូចនេះហើយបានជាមហាជនក្នុងប្រទេសថៃស្រឡាញ់ពេញចិត្តលោក។ ពេលនេះវត្តមានតារាប្រុស Jackson គឺបានចេញពីប្រទេសថៃ វិលត្រឡប់ទៅប្រទេសខ្លួនវិញហើយ។
យ៉ាងណាមិញ កាលពីរាត្រីថ្ងៃទី ០១ ខែសីហា ឆ្នាំ ២០២២ កន្លងទៅ មុនការចេញដំណើររបស់ Jackson ពីប្រទេសថៃ គេឃើញតារាប្រុសលោក Toa Sattaphong បានចេញមកបង្ហោះរូបភាពតារាប្រុស Jackson លេងទាត់បាល់ជាមួយលោកយ៉ាងរីករាយ។ ក្នុងនោះដែរ តារាប្រុស Toa បានទម្លាយថា Jackson ខានលេងបាល់សប្បាយរីករាយបែបនេះមករយៈពេល ១២ ឆ្នាំហើយ អាចនិយាយបានថានេះជាលើកទីមួយ ក្នុងរយៈពេល ១២ ឆ្នាំរបស់លោក។ ជាមួយនឹងរូបភាព និង វីដអូលេងបាល់របស់ Jackson គេឃើញថាមានមហាជនជាច្រើនចូលទៅបញ្ចេញមតិពេញចិត្តគ្រប់ៗគ្នា៕
