មិនចាញ់ប្រពន្ធទេ! ឃើញប្ដី Chompoo នៅក្មេងអ៊ីចឹង តាមពិតអាយុជិត ៥០ ឆ្នាំហើយ!

លោក Nott Visrut គឺជាសេដ្ឋីមួយរូបនៅក្នុងប្រទេសថៃ ដោយមានក្រុមហ៊ុនផ្គត់ផ្គង់គ្រឿងអគ្គិសនីយ៉ាងធំលំដាប់ប្រទេស។ ជាកូនប្រុសទី ៣ ក្នុងចំណោមកូន ៤ នាក់ក្នុងគ្រួសារអភិជន បច្ចុប្បន្នសេដ្ឋីហាយសូររូបនេះក៏ជាស្វាមីបណ្ដូលចិត្តរបស់កំពូលតារាសម្ដែងស្រី Chompoo Araya ផងដែរ។

ចាប់តាំងតែចាប់ដៃសាងគ្នាគ្រួសារពីឆ្នាំ ២០១៥ មកទល់ពេលនេះលោក Nott និង តារាស្រី Chompoo ទទួលបានកូនចំនួន ៣ នាក់ ក្នុងនោះ មានប្រុស ២ នាក់ និង ស្រីម្នាក់ ដោយកូនប្រុសស្រីទាំង ៣ របស់ពួកគេសុទ្ធសឹងតែឆ្លាតវៃ និង គួរឱ្យស្រឡាញ់ទាំងអស់។

បើនិយាយពីលោក Nott វិញ ដ្បិតពេលនេះមានអាយុ ៤៤ ឆ្នាំ និង មានគ្រួសារ ព្រមទាំងកូនចំនួន ៣ នាក់ទៅហើយក្ដី តែបើក្រឡេកមើលសម្រស់ ហាក់នៅតែស្រស់សង្ហា ដូចនៅកំលោះអ៊ីចឹង។ ជាពិសេសខណៈដែលមានប្រពន្ធជាកំពូលតារាស្រីហ្វេសសិនផងនោះ ការតែងខ្លួលរបស់សេដ្ឋីរូបនេះក៏មិនចាញ់ប្រពន្ធប៉ុន្មានដែរ។

តួយ៉ាងថ្មីៗនេះ សេដ្ឋីហាយសូរ Nott បានចេញមកបង្ហោះរូបភាព កាច់ស្ទីល ជាមួយនឹងឡានទំនើបយ៉ាងសង្ហា ដោយបង្ហោះឡើងលើគណនីអ៊ីនស្ត្រាក្រាមដែលធ្វើឱ្យមហាជនចូលទៅចុចបេះដូង និង បញ្ចេញមតិអួតសរសើរគ្រប់ៗគ្នា៕ សូមទស្សនារូបភាពខាងក្រោម៖