អីយ៉ាស់! ប្រុសស្អាត Mean មកដល់ខ្មែរភ្លាម ស្រាប់តែធ្វើរឿងនេះភ្លែត

នៅថ្ងៃទី ០៣ ខែសីហា ឆ្នាំ ២០២២ នេះ តារាសម្ដែងប្រុសវ័យក្មេងថៃ លោក Mean Phiravich Attachitsataporn បានធ្វើដំណើរមកកាន់ប្រទេសកម្ពុជាដើម្បី ចូលរួមក្នុងកម្មវិធីចាក់បញ្ចាំងខ្សែភាពយន្តថ្មីរបស់លោក ព្រមទាំង ជំនួបជាមួយអ្នកគាំទ្រខ្មែរផងដែរ។

ក្រោយពេលមកដល់ប្រទេសកម្ពុជាភ្លាម មហាជនហាក់ផ្ទុះការចាប់អារម្មណ៍ចំពោះ អ្នកកំលោះរូបនេះ ដោយហេតុថា លោកបានចំណាយពេលដើរកម្សាន្ត តាមទីកន្លែងស្អាតៗនៅក្នុងក្រុងភ្នំពេញ និង បានផ្ដិតយករូបភាពដ៏ស្រស់ស្អាតនៅឯវិមានឯករាជ្យ ព្រមទាំងថតរូបជាមួយនឹងរ៉ឺម៉កកង់បីខ្មែរ ទៀតផង។

ជាមួយគ្នានោះ បើងាកទៅមើលកម្មវិធីជំនួបអ្នកគាំទ្រវិញ គេឃើញថា មានប្រិយមិត្ត និង អ្នកគាំទ្រតារាប្រុស Mean ជាច្រើនបានទៅទទួលស្វាគមន៍ ព្រមទាំងថតរូបជួបជុំគ្នាយ៉ាងសប្បាយរីករាយផងដែរ៕