(វីដេអូ) ណុប បាយ៉ារិទ្ធ និង អតីតបេក្ខភាព The Voice ច្រើនរូប ស្និទ្ធគ្នាខ្លាំងដូចបងប្អូន

ប្រិយមិត្តភាគច្រើនដែលចូលចិត្តតាមដានវិស័យសិល្បៈ ជាពិសេសប្រិយមិត្តដែលនិមយតាមដានការប្រឡងកម្មវិធីលំដាប់ពិភពលោករបស់ប្រទេសកម្ពុជាយើង ប្រាកដជាបានជ្រាបហើយថា លោក ណុប បាយ៉ារិទ្ធ គឺជាតារាចម្រៀងដែលបានប្រឡូកក្នុងវិស័យសិល្បៈរាប់ឆ្នាំមកហើយ ដោយក្នុងនោះលោកក៏មានបទពិសោធយ៉ាងច្រើនក្រាស់ក្រែលទៅលើតំណែងជាគណៈកម្មការផងដែរ។

បើរំឭកទៅអតីតកាលកាលប្រឡងចម្រៀងកម្មវិធី The Voice Cambodia រដូវកាលទី ១ ណុប បាយ៉ារិទ្ធ ក៏ក្ដោបបានតំណែងជាគណៈកម្មការមួយរូបផងដែរក្នុងចំណោមគណៈកម្មការទាំង ៤ រូប ប៉ុន្ដែរឿងដែលមហាជនចាប់អារម្មណ៍ និង កោតសរសើរបំផុតនោះ មកដល់ពេលនេះរំលងផុតទៅជិត ១០ ឆ្នាំទៅហើយ លោកនៅតែមានទំនាក់ទំនងយ៉ាងជិតស្និទ្ធជាមួយនឹងអតីតបេក្ខភាពក្នុងកម្មវិធីនោះ។

តួយ៉ាងថ្មីៗនេះ គេឃើញមានវីដេអូមួយដែលបង្ហាញពីសកម្មភាពជួបជុំយ៉ាងស្និទ្ធស្នាលរវាងលោក ណុប បាយ៉ារិទ្ធ និង តារាចម្រៀងស្រករក្រោយជាច្រើនរូបដែលសុទ្ធសឹងតែជាអតីតបេក្ខភាពកម្មវិធី The Voice Cambodia រដូវកាលទី ១ ជាមួយការនិយាយលេងសើចស្ដែងពីការរាប់អានយ៉ាងល្អប្រៀបដូចបងប្អូនបង្កើត។ សូមទស្សនាវីដេអូ ៖