ក្រោយជាប់គាំងច្រើនឆ្នាំ ពេលនេះ Liu Yifei ត្រឡប់មកស្តារមុខមាត់វិញហើយ!
កាលពីថ្ងៃទី ១៤ ខែសីហា ឆ្នាំ ២០២២ នៅលើបណ្តាញសង្គម Weibo ឃើញមានការបង្ហោះរូបភាពរបស់តារាល្បីៗចិនជាច្រើនដួង ចូលរួមប្រជែងសម្រស់ក្នុងព្រឹត្តិការណ៍ Weibo Cinema Night ក្នុងប្រទេសចិន។
ក្នុងរាត្រីដ៏អស្ចារ្យនោះ បានប្រមូលផ្តុំដោយតារាចិនល្បីៗ ជាពិសេសក៏មានវត្តមានរបស់តារាសម្ដែងស្រី Liu Yifei ចូលរួមជាតារាកិត្តិយសផងដែរ ហើយក៏ជាការរង់ចាំយូរបំផុតសម្រាប់អ្នកគាំទ្ររបស់នាង។
ការបង្ហាញខ្លួនចូលរួមក្នុងព្រឹត្តិការណ៍នេះ សម្រាប់តារាស្រី Liu Yifei ជាមួយនឹងឈុតរ៉ូបសម្លៀកបំពាក់យ៉ាងប្រណិតពណ៌ភ្លឺចែងចាំង កាន់តែមានភាពទាក់ទាញខ្លាំងនឹងស្បែកសស្អាតរបស់នាង ទទួលបានការសរសើរជាច្រើនពីសំណាក់មហាជនអ្នកគាំទ្រ។ ដោយសារតែការជ្រើសរើសឈុតថ្លៃៗ និងស៊ីវិល័យទាំងនេះ ទើបធ្វើ Liu Yifei យកឈ្នះសម្រស់លើតារាផ្សេងៗទៀតដែលចូលរួមក្នុងព្រឹត្តិការណ៍នេះ។
យ៉ាងណាមិញ ការវិលត្រឡប់មកវិញរបស់នាង ដោយទទួលជោគជ័យលើកញ្ចក់ទូរទស្សន៍ក្នុងរឿងភាគបែបប្រវត្តិសាស្ត្រ។ ដោយរឿងភាពយន្តនេះ មានសន្ទុះការគាំទ្រខ្លាំង ដែលជួយឱ្យតារាស្រីរូបនេះ ស្តារមុខមាត់កេរ្តិ៍ឈ្មោះឡើងវិញ បន្ទាប់ពីជាប់គាំងអាជីពសិល្បៈជាច្រើនឆ្នាំ៕
