ភ្ញាក់ផ្អើល! សុខៗ Tol Vonthongchai ប្រកាសឈប់លេងអ៊ីនស្ត្រាក្រាម ប្តូរប្រូហ្វាល់ពណ៌ខ្មៅ

ជារឿយៗប្រិយមិត្តតែងតែបានឃើញវត្តមានតារាប្រុស Tol Vonthongchai នៅលើកញ្ចក់ទូរទស្សន៍មិនដាច់ឡើយ។ រាល់មហាជនដែលបានស្ដាប់បទចម្រៀងតារាប្រុស Tol Vonthongchai សុទ្ធតែផ្ទុះការសរសើរមិនដាច់ពីមាត់។

ដោយឡែកថ្មីៗនេះ ស្រាប់តារាប្រុសរូបនេះបានចេញមកបង្ហោះថា ចាប់ពេលនេះទៅលោកលេងប្រើគណនីអ៊ីនស្ត្រាក្រាមបន្តទៅទៀតហើយ។ មិនត្រឹមប៉ុណ្ណោះ តារាប្រុសរូបនេះក៏បានប្រែរូបទាំងអស់ឱ្យទៅជាពណ៌ខ្មៅ និង ចុច Unfollow គ្រប់គ្នា។

ទន្ទឹមនឹងនោះតារាប្រុសរូបនេះបានបញ្ជាក់បន្ថែមថា ៖ «ការឈប់លេងនេះមិនមែនត្រូវនរណា Hack អាខោនឡើយ ហើយក៏មិនបានសាងរឿងដ្រាម៉ាដែរ គ្រាន់តែឈប់លេង ព្រោះថារាល់ថ្ងៃនេះលោកមានក្ដីសុខហើយ អរគុណគ្រប់គ្នាដែលបារម្ភ អរគុណដែលគាំទ្រ និង Follow កន្លងមក ហើយលោកនៅតែនឹករឭកអ្នកគាំទ្រដូចដើម»។ ងាកទៅមើលអ្នកគាំទ្រវិញ ហាក់ជាខូចចិត្តខ្លះដែរ តែយ៉ាងណាម្នាក់ៗក៏នៅតែផ្ដល់កម្លាំងចិត្ត និង គាំទ្រលើទឹកចិត្តតារាប្រុស Tol ជានិច្ច៕