ទប់មិនជាប់ MUT 2022 នាង Anna សារភាពថាពេញចិត្តតារាប្រុសរូបនេះ ត្រង់ៗតែម្ដង!
កាលពីពេលថ្មីៗនេះ ប្រទេសថៃក៏បានរកឃើញនូវបរកញ្ញាចក្រវាលរបស់ខ្លួនហើយដែលបានទៅលើនាង Anna Sueangam Iam មានអាយុ ២៣ ឆ្នាំ ដែលជាកូនអ្នកប្រមូលសំរាម និង បោសសំរាមនៅទីក្រុងបាងកក។ បន្ទាប់ពីទទួលបានមកុដ គេឃើញថា បវរកញ្ញារូបនេះ ហាក់មានសន្ទុះការគាំទ្រខ្លាំង។ ជាពិសេស មហាជនអួតសរសើរនូវការតស៊ូរបស់នាង ដ្បិតមានជីវភាពមិនធូរធារតែប្រឹងប្រែងធ្វើតាមក្ដីស្រមៃ រហូតសម្រេចបានភាពជោគជ័យសម្រាប់ខ្លួនឯង និងគ្រួសារទាំងមូល។
ដោយឡែក កាលពីថ្ងៃទី ១៧ ខែសីហា ឆ្នាំ ២០២២ កន្លងទៅ នាង Anna បានឡើងកម្មវិធីធ្វើបទសម្ភាសមួយ ដោយបានរៀបរាប់ពីជីវិតការតស៊ូ និង បទពិសោធរបស់ខ្លួន។ ទន្ទឹមនឹងនោះ បវរកញ្ញាចក្រវាល ឆ្នាំ ២០២២ រូបនេះក៏បានបង្ហើបពីលក្ខណៈបុរសក្នុងក្តីស្រមៃដែលខ្លួនពេញចិត្តផងដែរ។
តាមរយៈបទសម្ភាសនាង Anna បានទម្លាយថា នាងពេញចិត្តបុរសដែលមានសម្បុរខ្មៅស្រអែម បែបជនជាតិថៃ។ ជាពិសេស គឺនាងពេញចិត្តបុរសដែលមានលក្ខណៈដូចជា តារាប្រុស Apo Nattawin ដែលជាតួអង្គក្នុងរឿង «Kinnporsche»។
ទន្ទឹមនឹងការទម្លាយថា ពេញចិត្តតារាប្រុស Apo នោះ ស្រាប់តែខាងកម្មវិធីក៏បាន Surprise ឱ្យតារាប្រុស Apo ថតវីដេអូនិយាយផ្ដល់កម្លាំងចិត្តដល់ Anna ដើម្បីដណ្ដើមមកុដបវរកញ្ញាចក្រវាលលើកទី ៣ មកជូនប្រទេសថៃទៀតផង។
ដោយឡែក បើងាកទៅមើលនាង Anna វិញ ខណៈដែលបានឃើញថាតារាក្នុងដួងចិត្តរបស់ខ្លួន ពោលពាក្យផ្ដល់កម្លាំងចិត្តដ៏រំភើបបែបនេះហើយ នាងហាក់រំភើបចិត្តជាខ្លាំង ស្ទើរតែរកពាក្យអ្វីនិយាយមិនចេញឡើយ៕
