មានគេសួរច្រើនថា រកស៊ីអីបានសម្បូរលុយម្ល៉េះ ឥលូវ គង់ ចាន់ស្រីមុំ ចេញមុខបកស្រាយហើយ!
ពិតណាស់មួយរយៈចុងក្រោយនេះ តារាស្រីហាយសូរកូនមួយ គង់ ចាន់ស្រីមុំ តែងតែឆក់បានការចាប់អារម្មណ៍ខ្លាំងពីមហាជន ខណៈឃើញអ្នកនាងបង្ហាញជីវិតដ៏រីករាយរបស់ខ្លួន និង គ្រួសារ ជាមួយការដើរកម្សាន្តចាយជីវិតយ៉ាងហាយសូរលើទឹកដីក្រៅប្រទេស។ ជាពិសេសគេតែងឃើញអ្នកនាងបង្ហាញជីវិតអភិជនដើរចាយលុយទាំងខ្ទាស់ៗទិញសម្ភារៈម៉ាកល្បីៗរាប់សិបម៉ឺនដុល្លារស្ដុកទុកគរឡើងដូចភ្នំ។
ដោយឡែក ស្របពេលឃើញ អ្នកម៉ាក់ហាយសូររូបស្រស់នេះ ដើរចាយជីវិតអភិជនពេញដោយក្ដីសុខបែបនេះ ធ្វើឱ្យមហាជនមានការស្ងើចសរសើរចំពោះជីវិតដ៏ជោគជ័យរបស់អ្នកនាងផងដែរ ព្រមទាំងក៏មានមហាជនមួយចំនួនមានចម្ងល់សួរនាំទាក់ទងការរកស៊ីរបស់នាង ដែលឃើញចាយជីវិតហាយសូរ ប៉ុន្តែមិនដែលឃើញបង្ហាញការរកស៊ីអ្វីនោះ។
ក្រោយឃើញមានគេសួរច្រើនទាក់ទងរឿងរកស៊ី ថ្មីៗនេះ អ្នកនាង គង់ ចាន់ស្រីមុំ ក៏បានធ្វើការថតរូបភាពបង្ហាញដល់មហាជន និងរៀបរាប់ប្រាប់ឱ្យដឹងពីមុខជំនួញរកស៊ីលក់ផលិតផលអនឡាញរបស់ខ្លួនដែលមើលទៅកំពុងដំណើរកាក់កបខ្លាំងផងដែរ។
ក្នុងនោះ អ្នកនាង គង់ ចាន់ស្រីមុំ បាននិយាយរៀបរាប់ថា ៖ «Hmmm គេសួរគ្រប់គ្នាថាតើខ្ញុំរកស៊ីអីបានជាចេះតែដើរ shopping ចឹង ដូចជាមិនឃើញរកស៊ីអីសោះ ចង់ប្រាប់នេះជារបររកស៊ីរបស់ខ្ញុំ មិនមែនគ្រប់គ្នាមានថ្ងៃនេះដេកមួយកន្លែងធ្លាក់លុយមកទេទេប្អូន គ្រប់យ៉ាងកើតចេញពីការខំប្រឹងទាំងអស់ នេះគ្រាន់តែរយះពេល 10 នាទីប៉ុណ្ណោះ ហើយគ្រប់គ្នាសួរបែបនេះក៏មិនខុសដែរ ព្រោះខ្ញុំមិនដែលផុសអីទេ ចឹងហើយទើបមនុស្សភាគតិចដែលគិតថារបរស៊ីខ្ញុំលក់មិនដាច់ នេះគ្រាន់តែមួយចំហៀងទូរដែលថតទេ ព្រោះគេសួរពីខ្ញុំច្រើនពេកទើបថតលេងទៅ សង្ឃឹមថាអស់ចម្ងល់ណា អរគុណអតិថិជន @momo_bysreymom ទាំងអស់គ្នាដែលតែងគាំទ្រជឿជាក់គ្រប់ផលិតផល momo រហូតមក»៕
