(វីដេអូ) ទីបំផុត បុរសវាយតម្លៃ ភិទិ ដូចក្មេងញៀនថ្នាំ បានចេញមុខសុំទោសហើយ!
ថ្មីៗនេះ អ្នកគាំទ្របេក្ខជន ថុល សុភិទិ ដែលជាបេក្ខភាពក្នុងកម្មវិធីប្រឡងចម្រៀងលំដាប់ពិភពលោក Cambodian Idol នាំគ្នាផ្ទុះការភ្ញាក់ផ្អើល និង បញ្ចេញប្រតិកម្មមិនពេញចិត្តជាខ្លាំង ចំពោះវីដេអូបុរសម្នាក់ ឈ្មោះ apanha9999 បានបង្ហោះលើ Tik Tok ដោយវាយតម្លៃលើស្នាមសាក់របស់ សុភិទិ ថាដូចទៅនឹងក្មេងញៀនថ្នាំ ឬក្មេងហិតកាវជាដើម។
ការវាយតម្លៃរបស់បុរសខាងលើមិនត្រឹមតែធ្វើឱ្យមហាជនផ្ទុះប្រតិកម្មមិនពេញចិត្តនោះទេ សូម្បីតែលោក Meak Bunthol ដែលគេស្គាល់ជាឪពុករបស់ ថុល សុភិទិ ក៏បានបង្ហោះសារព្រមានឱ្យបុរសខាងលើចេញមុខសុំទោសគ្រួសារលោកជាសាធារណៈដែរ។
ជុំវិញរឿងរ៉ាវមួយនេះ ទីបំផុត បុរសដែលមានគណនី Tik Tok ឈ្មោះ apanha9999 នោះ បានចេញវីដេអូសុំទោសគ្រួសារបេក្ខជន ថុល សុភិទិ ជាសាធារណៈហើយ ដោយក្រៅពីសុំទោសលោកក៏បានរៀបរាប់ថា មូលហេតុដែលលោកធ្វើព្រោះចង់ដឹងពីសន្ទុះនៃការគាំទ្ររបស់ ភិទិ មានច្រើនដល់កម្រិតណាស់ប៉ុណ្ណោះ។
ដោយឡែកទន្ទឹមនឹងមានការចេញមុខសុំទោសពីបុរសខាងលើ ក្នុងនោះឪពុករបស់ ថុល សុភិទិ ក៏បានទទួលយក និង អនុគ្រោះឱ្យផងដែរ។ សូមទស្សនាវីដេអូខាងក្រោម ៖
