ផ្ទុះការសង្ស័យ! ទំនងមូលហេតុនេះ ទើប Ariana Grande ចុច Unfollow គណនី IG របស់ Yeri
Yeri សមាជិកក្រុមចម្រៀងនារីប្រចាំប្រទេសកូរ៉េ Red Velvet ដែលអ្នកគាំទ្រភាគច្រើនបានដឹងរួចមកហើយថា តារាស្រីស្រស់រូបនេះគឺជាអ្នកគាំទ្រម្នាក់របស់តារាចម្រៀងអាមេរិកនាង Ariana Grande។
ងាកទៅក្រោយបន្តិច កាលពីឆ្នាំ ២០១៩ កន្លងទៅ គេបានដឹងថាគណនី IG របស់ Ariana Grande បាន Followed នាង Yeri ក្នុងបណ្ដាញសង្គម Instagram ធ្វើឱ្យអ្នកគាំទ្រជាច្រើនពាសពាញសកលលោករំភើបចិត្តជំនួស Yeri យ៉ាងខ្លាំង ដែលអាចទទួលបានការចាប់អារម្មណ៍ពីតារាក្នុងដួងចិត្តរបស់ខ្លួន។
ដោយឡែកថ្មីៗនេះ គេបែរជាសង្កេតឃើញថា គណនី IG របស់ Ariana Grande បាន Unfollowed គណនីរបស់ Yeri វិញបាត់ទៅហើយ ដែលជាហេតុធ្វើឱ្យអ្នកគាំទ្រជាច្រើនងឿងឆ្ងល់ថាមូលហេតុអ្វីបានជានាងធ្វើដូច្នោះទៅវិញ។
យ៉ាងណាមិញ បើក្រឡេកទៅមើលក្នុង Following ដែល Yeri ធ្លាប់ចុច Follow កាលពីមុន ដែលធ្លាប់តែមានចំនួនច្រើននោះ បែរជាធ្លាក់មកត្រឹមសូន្យវិញគ្មានមូលហេតុ ពោលគឺសូម្បីតែសមាជិកក្រុម Red Velvet ទាំង ៤ នាក់ផ្សេងទៀត និង តារាក្នុងដួងចិត្តរបស់នាងគឺ Ariana Grande ព្រមទាំងអ្នកផ្សេងជាច្រើនទៀត ក៏ត្រូវបាន Yeri ចុច Unfollowed វិញដែរ។
ហេតុនេះហើយ ទើបធ្វើឱ្យអ្នកគាំទ្រជាច្រើនដាក់ការសង្ស័យថា មូលហេតុដែលនាង Ariana Grande ចុច Unfollowed គណនី IG របស់ Yeri នោះ គឺអាចមកពីតារាមាឌតូច Yeri បាន Unfollowed តារាស្រីសំណព្វរបស់នាងមុន៕
