ទម្លាយអាយុពិតរបស់បេក្ខភាពជើងខ្លាំង Cambodian idol ទាំង ៤ រូប

ពិតណាស់ក្រោយពីធ្វើការប្រឡងប្រជែងជម្រុះចម្រាញ់ជាច្រើនសប្ដាហ៍កន្លងទៅ ពេលនេះកម្មវិធីប្រឡងចម្រៀងលំដាប់ពិភពលោក Cambodian idol រដូវកាលទី ៤ បានឈានដល់វគ្គពាក់កណ្ដាលផ្ដាច់ព្រ័ត្រហើយនៅរាត្រីថ្ងៃទី ២១ ខែសីហា ឆ្នាំ ២០២២ នេះ ដែលកាន់តែកៀកវេលាកម្មវិធីនឹងស្វែងរកឃើញម្ចាស់ពានប្រចាំកម្មវិធីក្នុងរដូវកាលថ្មីនេះហើយ។

ក្នុងវគ្គពាក់កណ្ដាលផ្ដាច់ព្រ័ត្រសប្ដាហ៍នេះដែរ កម្មវិធីបានធ្វើការប្រឡងប្រជែង ដោយបានជម្រុះសល់តែបេក្ខភាពជើងខ្លាំងចំនួន ៤ រូបប៉ុណ្ណោះ ដែលបានឈានទៅវគ្គផ្ដាច់ព្រ័ត្រ និងធ្វើការប្រឡងប្រជែងដណ្ដើមយកពាននៃកម្មវិធីលំដាប់ពិភពលោកនេះ។ បេក្ខភាពជើងខ្លាំងទាំង ៤ រូបនោះរួមមាន លីម តិចម៉េង, ថុល សុភិទិ, នាង ដាវីន និង ស៊ឹម ច័ន្ទពន្លឺ។

ដោយឡែក បើចាប់អារម្មណ៍ចំពោះរឿងរ៉ាវឯកជនរបស់បេក្ខភាពជើងខ្លាំងទាំង ៤ រូបនេះ បានឱ្យដឹងថា៖

១. លីម តិចម៉េង មានស្រុកកំណើតនៅខេត្តកំពង់ចាម មានអាយុ ២៤ ឆ្នាំ ដែលកើតនៅថ្ងៃទី ០៨ ខែមេសា ឆ្នាំ ១៩៩៨

២. ថុល សុភិទិ មានស្រុកកំណើតនៅភ្នំពេញ មានអាយុ ២២ ឆ្នាំ ដែលកើតនៅថ្ងៃទី ១៥ ខែមីនា ឆ្នាំ ២០០០

៣. នាង ដាវីន មានស្រុកកំណើតនៅខេត្តកំពង់ស្ពឺ មានអាយុ ២១ ឆ្នាំ ដែលកើតនៅថ្ងៃទី ២០ ខែមេសា ឆ្នាំ ២០០១

៤. ស៊ឹម ច័ន្ទពន្លឺ មានអាយុ ២៩ ឆ្នាំ ដែលកើតថ្ងៃទី ១០ ខែ ឧសភា ឆ្នាំ ១៩៩៣៕