ធ្វើឱ្យមហាជនរំភើបចិត្តខ្លាំង ពេលឃើញ Tong Tong និង Best កាន់ដៃគ្នាធ្វើរឿងនេះ
ក្រោយពីប្រកាសប្រាប់មហាជនជាសង្សារផ្លូវការមក គេសង្កេតឃើញថា គូស្នេហ៍តារាប្រុសរូបសង្ហា Tong Tong និង តារាស្រីស្រស់ Best គឺកាន់តែផ្អែមល្ហែមខ្លាំងពីមួយថ្ងៃទៅមួយថ្ងៃ ដល់ថ្នាក់មហាជនអ្នកគាំទ្រលួចច្រណែនទៀតផង។ សម្រាប់គូស្នេហ៍មួយគូនេះចាប់តាំងតែស្រឡាញ់គ្នាមក គេឃើញថាពួកគេទាំងពីរតែងបង្ហាញភាពស្អិតល្មួត ជាមួយគ្នាមិនដែលដាច់នោះទេ។
បច្ចុប្បន្នគូស្នេហ៍តារាមួយគូនេះ តែងត្រូវបានមហាជន ក្នុង និង ក្រៅប្រទេសតាមដានស្ទើរមិនដាច់ឡើយ។ ថ្មីៗនេះ ផ្ទុះពាក្យចចាមអារាមថា តារាសម្ដែង Tong Tong និង Best ចែកផ្លូវគ្នាតែត្រូវតារាស្រីប្រុសគូនេះបានចេញមកបកស្រាយថាជារឿងនោះមិនពិតទេ ពោលគឺអ្នកទាំងពីរនៅតែល្អូកល្អិនគ្នាដូចដើម។
តួយ៉ាងកាលពីថ្ងៃទី ២៥ ខែសីហា ឆ្នាំ ២០២២ កន្លងទៅ តារាស្រីប្រុសមួយគូនេះបានកាន់ដៃគ្នាឡើងច្រៀងក្នុងកម្មវិធី The Wall Song ដែលជាការច្រៀងរួមគ្នាជាមួយតារាសម្ដែងប្រុសរូបសង្ហា Bright Norapat ។ ក្នុងឱកាសបានច្រៀងរួមគ្នាជាមួយគូសង្សារនេះ Tong Tong និង Best ត្រូវបានមហាជននាំគ្នាសរសើរពីទំនាក់ទំនងយ៉ាងស្អិតល្មួត ពោលគឺមិនឃ្លាតគ្នាមួយជំហានឡើយ។ មហាជនជាច្រើនបានបញ្ចេញមតិជូនពរដល់គូស្នេហ៍តារាស្រីប្រុសគូនេះឱ្យស្រឡាញ់គ្នា និង ផ្អែមល្ហែមបែបនេះរហូតតទៅ៕
