(វីដេអូ) អបអរ! ទីបំផុត កម្មវិធី Cambodian Idol រកឃើញម្ចាស់ពានហើយបានទៅលើ បេក្ខភាព លីម តិចម៉េង
នៅក្នុងរាត្រីថ្ងៃទី ២៨ ខែសីហា ឆ្នាំ ២០២២ នេះ កម្មវិធីប្រឡងចម្រៀងលំដាប់ពិភពលោក Cambodian Idol រដូវកាលទី ៤ បានឈានដល់វគ្គផ្ដាច់ព្រ័ត្រហើយ និង ជារាត្រីដ៏រំភើបចិត្តសម្រាប់អ្នកគាំទ្រវិស័យចម្រៀង ដែលកម្មវិធីនឹងស្វែងរកឃើញនូវម្ចាស់ជ័យលាភីនៃកម្មវិធីប្រចាំរដូវកាលថ្មីនេះ។
ក្នុងរាត្រីនៃវគ្គផ្ដាច់ព្រ័ត្រនេះដែរ ក្រោយបេក្ខភាពជើងខ្លាំងទាំង ៤ រូបធ្វើការប្រឡងប្រជែងបង្ហាញសមត្ថភាពរៀងៗខ្លួនហើយ មុននេះបន្តិចកម្មវិធីបានប្រកាសលទ្ធផលជាផ្លូវការហើយនូវម្ចាស់ជ័យលាភីពានរង្វាន់ក្នុងរដូវកាលថ្មីនេះ គឺបានទៅលើបេក្ខភាព លីម តិចម៉េង។
វិនាទីនេះដែរ មហាជនក៏ដូចជាអ្នកគាំទ្រតាមដានកម្មវិធីប្រឡងចម្រៀងទូទាំងប្រទេសកំពុងបង្ហាញអារម្មណ៍រំភើប និងធ្វើការអបអរសាទរ ព្រមទាំងបង្ហាញការស្រឡាញ់ចិត្តយ៉ាងខ្លាំងចំពោះបេក្ខភាពរូបនេះដែលឃើញថាស័ក្តិសមបំផុតជាម្ចាស់ពានក្នុងរដូវកាលនេះ៕
សូមទស្សនាវីដេអូខាងក្រោម៖
