ទុកកូនមួយឡែកសិន Mew ដឹកដៃប្តីមកធ្វើកំលោះក្រមុំដើរកម្សាន្តយ៉ាងរីករាយនៅកម្ពុជា
ថ្មីៗនេះ ផ្ទុះការចាប់អារម្មណ៍ពេញបណ្តាញសង្គមហ្វេសប៊ុក និង Instagram ក្រោយតារាប្រុសស្រី ២ គូនោះគឺ Matt ជាមួយគូស្នេហ៍ Songkarn និង តារាស្រី Mew ជាមួយស្វាមី បានធ្វើដំណើរមកលេងកម្ពុជាទឹកដីអច្ឆរិយស្ងាត់ៗ។
ដំណើរកម្សាន្តលើកនេះ គេសង្កេតឃើញថាអ្នកទាំង ៤ រូប ហាក់សប្បាយរីករាយជាខ្លាំង ដោយបាននាំគ្នាស្នាក់នៅរីសតមួយកន្លែងដែលមានឈ្មោះថា Amansara Angkor ស្ថិតនៅក្នុងខេត្តសៀមរាប ហើយបាននាំគ្នាទៅទស្សនាតំបន់ប្រាសាទល្បីៗជាច្រើន រួមទាំងអង្គរវត្តផងដែរ។
បន្ថែមពីនេះ គេសង្កេតចាប់អារម្មណ៍ឃើញថាគូស្វាមីភរិយាតារាស្រី Mew និង ហាយសូ Saint ធ្វើដំណើរកម្សាន្តមកលេងកម្ពុជាលើកនេះ គឺហាក់មិនបាននាំកូនស្រី Marin មកជាមួយនោះទេ ដោយហាយសូ Saint បានបង្ហោះសារថា ៖ «Mini getaway»។
ក្រៅពីនេះអ្នកគាំទ្រជាច្រើនក៏បានបញ្ចេញមតិចំអន់គូស្វាមីភរិយាមួយគូនេះជាច្រើននៅលើគណនី IG ផងដែរ ហើយក៏មានអ្នកគាំទ្រកម្ពុជាជាច្រើនបានចូលរួមបញ្ចេញមតិស្វាគមន៍ដល់តារាប្រុសស្រីទាំង ២ គូដែលបានធ្វើដំណើរមកកាន់កម្ពុជា៕
