ទម្លាយការពិតជុំវិញការផ្ទុះព័ត៌មានថាតារាថៃ Kwan ស្ល-ា..-ប់ ដោយសារឆក់ខ្សែភ្លើង

កាលពីពេលថ្មីៗនេះ មហាជនអ្នកគាំទ្រតារាថៃជាច្រើនហាក់ចលាចលជាខ្លាំង បន្ទាប់ពីផ្ទុះព័ត៌មានថា តារាស្រី Kwan Usamanee ត្រូវបានស្លាប់ដោយសារតែឆក់ខ្សែភ្លើង ខណៈពេលកំពុងតែថតរឿង។

ជុំវិញរឿងរ៉ាវកំពុងតែល្បីថាតារាស្រីរូបនេះស្លាប់ គេឃើញថាមានអ្នកគាំទ្រជាច្រើនបានសម្តែងមតិវែកញែកជាច្រើនឡើង ដោយអ្នកខ្លះក៏ជឿ អ្នកគាំទ្រខ្លះទៀតក៏បានឆ្លើយតបទៅនឹងដំណឹងដែលផ្ទុះឡើងនោះថា វាជាព័ត៌មានមិនពិតឡើយទៀតផង។

យ៉ាងណាមិញ បើងាកមកមើលតារាស្រី Kwan Usamanee ផ្ទាល់ ពេលនេះនាងក៏បានលេចមុខទម្លាយការពិតចំពោះដំណឹងដែលផ្ទុះឡើងខាងលើនេះហើយ ដោយនាងបានច្រានចោល និង បានអះអាងថាវាជាព័ត៌មានមិនពិតនោះទេ នាងមិនបានស្លាប់ដូចគេថាឡើយ។ ទោះជាយ៉ាងណា ព័ត៌មាននេះមិនបានធ្វើឱ្យនាងក្តៅក្រហាយអ្វីដែរ ព្រោះនាងគិតថា ប្រហែលអ្នកបំប៉ោងព័ត៌មាននោះស្រឡាញ់នាងខ្លាំងហើយ ទើបបានជាសរសេរតែរឿងនាងបែបនេះ ហើយចាត់ទុកថាវាជាការជូនពរឱ្យនាងអាយុកាន់តែវែងផងដែរ៕