អ្នកគាំទ្រស្រឡាំងកាំង! ពេល Dilraba បង្ហាញខ្លួនយ៉ាងទាក់ភ្នែកក្នុងឈុតសមោសរ
ថ្មីៗនេះ អ្នកនិយមលេងអ៊ីនធឺណេតមានការភ្ញាក់ផ្អើលជាខ្លាំង នៅពេលដែលបានឃើញការបង្ហាញខ្លួនរបស់តារាសម្ដែងស្រីរបស់ចិន Dilraba Dilmurat គ្រងក្នុងឈុតរ៉ូបសមោសរពណ៌សភ្លឺចែងចាំង ចូលរួមជាតារាស្រីកិត្តិយសពិសេសក្នុងកម្មវិធីមួយ។
ជាការពិតណាស់ Dilraba គឺជាតារាស្រីចិនមួយរូប ដែលមានទាំងរូបសម្រស់ស្រស់ស្អាត មកទាំងព្រមជាមួយនឹងរូបរាងស្រឡូន គ្រប់សកម្មភាពរបស់នាងតែងតែទទួលបានការចាប់អារម្មណ៍ពីសំណាក់មហាជន ក៏ដូចជាក្រុមអ្នកគាំទ្រទូទាំងប្រទេសចិន។
យ៉ាងណាមិញ នៅក្នុងព្រឹត្តិការណ៍នេះ តារាស្រីរូបនេះពិតជាធ្វើឱ្យអ្នកគាំទ្រស្ទើរតែឈ្លក់វង្វេងអស់ទៅហើយ ព្រោះថារូបសម្រស់ និង ភាពទាក់ទាញរបស់ Dilraba ក្នុងកម្មវិធីនោះ ឃើញមានការបញ្ចេញមតិលើសម្រស់របស់នាងលើសពីការស្មាន ជាមួយនឹងឈុតសមោសរដែលនាងបានស្លៀកពិតជាលេចធ្លោគួរឱ្យភ្ញាក់ផ្អើល៕
