ស្ងាត់ៗ Weir ដឹកដៃភរិយារើអីវ៉ាន់ចូលផ្ទះថ្មី ដើម្បីត្រៀមទទួលសមាជិកថ្មី

Weir Sukollawat តារាប្រុសវ័យ ៣៧ ឆ្នាំ ដែលមានសម្រស់ និង រូបរាងសង្ហា ជាគ្រាប់ពេជ្រចែងចាំងរបស់ប៉ុស្តិ៍លេខ ៧ មានស្នាដៃរឿងល្បីៗជាច្រើនរាប់មិនអស់ មិនថាជាកុនខ្នាតធំ ឬ ភាពយន្តភាគនោះឡើយ។

ក្រោយដឹកដៃភរិយាចូលរោងការ គេសង្កេតឃើញតារាប្រុសរូបនេះហាក់មានក្តីសុខក្នុងជីវិតជាខ្លាំង ជាពិសេសក្រោយពេលដែលលោកប្រកាសថាខ្លួនកំពុងក្លាយខ្លួនជាឪពុកគេហើយ។ តារាប្រុស Weir ហាក់ថ្នាក់ថ្នមភរិយាជាខ្លាំង ដោយបាននាំនាងទៅស្នាក់នៅផ្ទះចម្ការជើងភ្នំ គេចពីផ្សែងពុលទីក្រុង។

ថ្មីៗនេះ Weir ត្រូវបានគេទម្លាយថាកំពុងនឹងត្រៀមរៀបចំរើផ្ទះមកនៅតំបន់ Krung Thep Kritha ដោយផ្ទះនោះមានតម្លៃចន្លោះពី ៣៥-៩០ លានបាត។ បច្ចុប្បន្នតារាប្រុស Weir និង ភរិយាកំពុងដល់ក្រុមវិស្វករសំណង់ស៊ីវិល សម្អាត និង ត្រួតពិនិត្យ មុនពេលផ្លាស់ប្តូរចូលរស់នៅ។

ដោយផ្ទះនេះគឺជាផ្ទះប្រភេទវីឡា មានទីធ្លាធំទូលាយសក្តិសមសម្រាប់ក្មេងៗរត់លេង​ និងសត្វចិញ្ចឹម ហើយក៏ស្ថិតនៅក្នុងតំបន់ល្អក្នុងក្រុងថែមទៀត៕