យូ ថនវណ្ណៈ បញ្ចេញសាច់ដុំកង់ៗ និង ស្នាមសាក់បង្កប់ន័យ ២ កន្លែង ធ្វើឱ្យអ្នកគាំទ្រញ័របេះដូងព្រាត
បើទោះជាកន្លងមកការប្រកួតកម្មវិធី Mister Supranational Cambodia 2022 លោក យូ ថនវណ្ណៈ ទទួលបានចំណាត់ថ្នាក់ជាជ័យលាភីរងទី ១ ក៏ពិតមែន តែកំលោះសង្ហាររូបនេះក៏ទទួលបានតំណែងជា Mister Grand Cambodia 2022 ផងដែរ។
ក្នុងនោះ Mister Grand Cambodia 2022 លោក យូ ថនវណ្ណៈ ក៏ទទួលបានការគាំទ្រយ៉ាងខ្លាំងពីសំណាក់មហាជន ដោយលោកមានអ្នកគាំទ្រទាំងនៅក្នុង និង ក្រៅប្រទេសថែមទៀត។
ជាការពិត តាំងពីបោះជំហានឈានជើងចូលវិស័យដើរម៉ូដមុនចូលរួមការប្រកួតមក Mister Grand Cambodia 2022 រូបនេះ ក៏ធ្លាប់បានបង្ហាញនូវរូបភាពសិចស៊ី បញ្ចេញសាច់ដុំកង់ៗជាច្រើនមកហើយ តែយ៉ាងណាកាលពីពេលថ្មីៗនេះ លោក យូ ថនវណ្ណៈ បានផុសរូបភាពប៉ុន្មានសន្លឹកថ្មីទៀត ធ្វើឱ្យអ្នកលេងបណ្តាញសង្គមជាច្រើនចូលទៅចែករំលែកព្រោងព្រាត។
លើសពីនោះ ក្រៅពីការចាប់អាម្មណ៍សាច់ដុំកង់ៗរបស់ លោក យូ ថនវណ្ណៈ អ្នកគាំទ្រក៏បានចាប់ភ្លឹកនូវរូបសាក់ចំនួន ២ កន្លែង មួយជារូបព្រះអាទិត្យ និង មួយទៀតជាលេខឡាតាំងដែលតំណាងថ្ងៃ ខែ ឆ្នាំ កំណើតរបស់លោក៕
