អេលី កូនស្រី ផន សុផារី នៅក្រៅគួរឱ្យក្នាញ់ខ្លាំង សូម្បីពិធីករ អៀង វិច្ឆ័យ ក៏ចង់ចាប់ក្រញិច

នាងតូច អេលី ដែលមហាជនស្គាល់ជាកូនស្រីទី ២ របស់តារាកំប្លែង ផន សុផារី កំពុងទទួលបានការស្រឡាញ់ក្នក់ក្នាញ់ពីបណ្ដាអ្នកប្រើប្រាស់បណ្ដាញសង្គមជាច្រើន តាមរយៈភាពឆ្លាតវៃ និង ទឹកមុខដ៏ឃ្យូតក្រមិចក្រមើមគួរឱ្យក្នាញ់របស់នាងតូច។

ជារឿយៗអ្នកម៉ាក់សាច់សខ្ចី ផន សុផារី តែងបង្ហោះវីដេអូខ្លីៗបង្ហាញពីសកម្មភាពកូនៗរបស់នាងនៅលើបណ្ដាញសង្គមធ្វើឱ្យមានការចែករំលែកតៗគ្នាព្រោងព្រាត។ មិនត្រឹមតែអ្នកលេងហ្វេសប៊ុកជាច្រើនទេដែលតាមដានសកម្មភាពរបស់នាងតូច អេលី ដូចរឿងភាគនោះ សូម្បីតែអ្នកសិល្បៈមួយចំនួនក៏បង្ហាញអារម្មណ៍ស្រឡាញ់នូវភាពម្ញ៉ិកម្ញ៉ក់របស់ក្មេងស្រីតូចរូបនេះដែរ។

តួយ៉ាងថ្មីៗនេះ ពិធីករល្បីប្រចាំកម្មវិធី 3Fun លោក អៀង វិច្ឆ័យ បានបង្ហោះរូបថតជាមួយនាងតូច អេលី ជាច្រើនសន្លឹក ហើយរៀបរាប់ថា ៖ «អត់បានមួយប៉ុស្ដិ៍សោះ អេលី អើយ ឯណាពាក្យថាតស៊ូគង់បានសម្រេច»។

បើមើលតាមសកម្មភាពរបស់ពិធីករ អៀង វិច្ឆ័យ តាមចាប់នាងតូចច្រម៉ក់ អេលី ថតរូបជាមួយនោះ បង្ហាញឱ្យឃើញថាលោកពិតជាស្រឡាញ់នាងតូចរូបនេះណាស់៕