នាង ដាវីន ពោលពាក្យយ៉ាងរំភើប ក្រោយសម្រេចក្ដីស្រមៃរបស់ខ្លួន

ដូចដែលប្រិយមិត្តបានដឹងរួចមកហើយ កាលពីរាត្រីថ្ងៃទី ៧ ខែកញ្ញា កន្លងទៅ ស្រាបៀរគ្រុឌ បានរៀបចំកម្មវិធីជំនួបបេក្ខជន Top ទាំង 4 របស់កម្មវិធី Cambodian Idol រដូវកាលទី ៤ ដែលមានឈ្មោះថា «Krud Top 4 Meet and Greet» នៅឯ សួនវឌ្ឍនៈកាពីតាលឡាយ៍ស្តាយផាក។

គោលបំណងនៃកម្មវិធីមួយនេះគឺ សម្រាប់ឱ្យបុរសសង្ហាសំឡេងពីរោះទាំង ៤ រូបដែលមានដូចជា លីម តិចម៉េង, ថុល សុភិទិ, ស៊ឹម ច័ន្ទពន្លឺ និង នាង ដាវីន ដើម្បីបានជួបសំណេះសំណាល និង ច្រៀងផ្ទាល់មុខមហាជនអ្នកគាំទ្ររបស់ខ្លួន។

យ៉ាងណាមិញ បន្ទាប់ពីកម្មវិធីដ៏សប្បាយរីករាយមួយនេះបានចប់សព្វគ្រប់ហើយ នាង ដាវីន ដែលជាបេក្ខភាព Top 4 បានបង្ហោះរូប Selfie ជាមួយនឹងអ្នកគាំទ្រដែលបានអញ្ជើញមកទស្សនាផ្ទាល់ ព្រមទាំងភ្ជាប់ជាមួយនឹង caption យ៉ាងគួរឱ្យសរសើរមួយផងដែរ។

កម្លោះសម្បូរស្នេហ៍ នាង ដាវីន បានបញ្ជាក់ក្នុង caption របស់ខ្លួនថា៖ «ក្តីស្រមៃខ្ញុំ ក្លាយជាការពិតហើយ អរគុណពុកម៉ែបងប្អូនសម្រាប់ការស្រឡាញ់ ចូលចិត្ត យ៉ាងកក់ក្តៅមួយនេះ»៕