(វីដេអូ) យូរៗបង្ហាញ​ស្នាដៃម្ដង! ​Nadech ​ឡើងផ្ទះបាយ​ថ្មីធ្វើម្ហូប​អេស្ប៉ាញ​

ដូចដែលប្រិយមិត្តអ្នកគាំទ្របានដឹងមកហើយ សម្រាប់ផ្ទះថ្មីដ៏ធំរបស់កំពូលតារាសម្ដែងប្រុសរូបសង្ហា Nadech Kugimiya ដែលបានចំណាយលុយយ៉ាងច្រើនសន្ធឹក ដើម្បីសាងសង់ផ្ទះមួយនេះទុកសម្រាប់រស់នៅជាមួយនឹងគ្រួសារ។ កន្លងមក រាល់ពេលទំនេរពីការងារសិល្បៈ តែងតែឃើញតារាប្រុសរូបនេះ និងអ្នកម្ដាយរបស់លោក ឆ្លៀតពេល​មកមើល​ការសាង​សង់ផ្ទះមួយ​នេះជាប់​មិនដាច់។​

យ៉ាងណាមិញ មួយរយៈចុងក្រោយនេះសង្កេតឃើញថា ផ្ទះថ្មីរបស់ Nadech ក៏បានបង្ហាញរូបរាងជិតរួចរាល់ហើយ ដោយមានជ្រុងមួយ​ចំនួនក៏បានរៀប​ចំយ៉ាងស្អាត​ហើយ​ដែរ។

ជាក់ស្ដែងថ្មីៗនេះ តារាប្រុសរូបនេះស្វាគមន៍មិត្តភក្តិរបស់លោក មកលេងដោយបានបញ្ចេញស្នាដៃធ្វើម្ហូបអេស្ប៉ាញ ដើម្បីជាការឡើងផ្ទះបាយថ្មី។ ក្នុងនោះ មុខម្ហូបដែលមានឈ្មោះថា «Pisto Andaluz & tapas» ដែលតារាប្រុសរូបនេះ បញ្ចេញស្នាដៃធ្វើ ធ្វើឱ្យមិត្តរបស់លោក លាន់មាត់សរសើរពីរសជាតិឆ្ងាញ់ជាប់ចិត្ត គួរឱ្យញ៉ាំទៀត។

មិនត្រឹមតែប៉ុណ្ណោះ មិត្តរបស់តារារូបសង្ហា Nadech ក៏លួចច្រណែន Yaya ជាមិត្តស្រី​មាន​សំណាង​ណាស់ ​ដែលបានលោក​ជាគូស្នេហ៍​ពូកែធ្វើម្ហូបឆ្ងាញ់ៗ​បែបនេះ៕​

ទស្សនាវីដេអូខាងក្រោមនេះ៖