ឃើញសភាពរបស់តារាបង្ហាញម៉ូដ Cara Delevingne អ្នកគាំទ្រគក់ទ្រូងព្រួយចិត្ត
កាលពីពេលថ្មីៗនេះ តារាបង្ហាញម៉ូដ និង តារាសម្ដែងជនជាតិអង់គ្លេស Cara Delevingne ត្រូវបានគេផ្តិតយករូបថត នៅពេលដែលនាងធ្វើដំណើរទៅកាន់ព្រលានយន្តហោះ។
ខណៈនោះ Cara Delevingne បានអង្គុយកៅអីខាងក្រោយ ដោយបានបើកកញ្ចក់ទ្វារឡានហើយដាក់ជើងចេញមកក្រៅនៅលើបង្អួច ពេលឡានបានបើកឆ្លងកាត់ក្នុងទីក្រុង Los Angeles។
យ៉ាងណាមិញ រូបភាពរបស់ Cara ដែលបានបង្ហោះតាមរយៈអ៊ីនធឺណេត ក្នុងស្ថានភាពច្របូកច្របល់ ស្លេកស្លាំង មើលទៅហាក់ដូចជាបាត់បង់ស្មារតី សូម្បីតែស្បែកជើងក៏គ្មាន ដែលធ្វើឱ្យមានការភ្ញាក់ផ្អើលយ៉ាងខ្លាំងទាំងអ្នកគាំទ្រ និងមិត្តរួមអាជីពជិតស្និទ្ធរបស់នាង។
សូមបញ្ជាក់ផងដែរថា ភាពមិនប្រក្រតីរបស់តារារូបនេះ បានធ្វើឱ្យអ្នកគាំទ្រព្រួយបារម្ភខ្លាំង។ គ្រប់គ្នាជឿថា Cara អាចនឹងមានបញ្ហាធ្ងន់ធ្ងរ បើមិនដូច្នេះនាងមិនបញ្ចេញកាយវិការមិនស្រួលចិត្តនោះទេ។
ក្នុងនោះដែរ អ្នកតំណាងរបស់ Cara Delevingne មិនបានឆ្លើយតបភ្លាមៗចំពោះចម្ងល់មហាជននោះទេ អំពីរូបភាពគួរឱ្យព្រួយបារម្ភខុសប្រក្រតីរបស់នាង៕
