(វីដេអូ) សរសើរ ពេជ្រ ចរណៃ ណាស់ ជាតារាខ្មែរបត់បែនបានគ្រប់កាលៈទេសៈ រឹងមាំក៏ចេះ ទន់ភ្លន់ក៏ចេះ

ប្រិយមិត្តអ្នកតាមដានវិស័យសិល្បៈភាគច្រើនបានជ្រាបហើយពីភាពក្លាហានរបស់តារាសម្ដែងស្រីរូបស្រស់ ពេជ្រ ចរណៃ ដែលកន្លងមកនាងតែងតែបង្ហាញក្បាច់គុនល្បុក្កតោខ្មែរ ការហាត់បាញ់កាំភ្លើង បាញ់ព្រួញ និង សកម្មភាពហាត់រៀនក្បាច់គុនការពារខ្លួនផ្សេងៗទៀត ដែលត្រូវបានមហាជនកោតសរសើរជាខ្លាំង។

ដ្បិតថាកន្លងមកតារាសម្ដែង ពេជ្រ ចរណៃ តែងបង្ហាញភាពក្លាហានលើសមនុស្សប្រុសមួយចំនួនក្ដី ប៉ុន្ដែពេលខ្លះ តារាស្រីរូបនេះក៏មានចរិយាទន់ភ្លន់ ចេះកិច្ចការងាររបស់មនុស្សស្រីដែរ ព្រោះគឺស្រីស្អាតរូបនេះពូកែបត់បែនគ្រប់កាលៈទេសៈ។

ជាក់ស្ដែងថ្មីៗនេះ ពេជ្រ ចរណៃ បានបង្ហាញសកម្មភាពកំពុងគូរូបនៅលើខ្លួនតួអង្គមួយរូបក្នុងរឿង «សទ្ធាមាណព» យ៉ាងយកចិត្តទុកដាក់បំផុត។ ក្នុងនោះស្រីស្អាត ពេជ្រ ចរណៃ ក៏បានរៀបរាប់បែបលេងសើចនៅលើបណ្ដាញសង្គមថា ៖ «នៅពីក្រោយរឿង សទ្ធាមាណព គឺតែងតែមាននារីទន់ភ្លន់ និងសុភាពម្នាក់នេះ»។

ក្រោយឃើញសកម្មភាពរបស់តារាសម្ដែងពោរពេញដោយទេពកោសល្យរូបនេះហើយ ធ្វើឱ្យអ្នកគាំទ្រកាន់តែលើកសរសើរពីសេចក្ដីក្លាហាន និង សមត្ថភាពដ៏កម្ររកបានរបស់ ពេជ្រ ចរណៃ៕