ទម្លាយមូលហេតុដែល Due យកម៉ែដោះចេញពីផ្ទះ Margie ឱ្យចូលមកផ្ទះមើលថែកូនខ្លួន

ចាប់តាំងពីបង្កើតបានកូនប្រុសតូចដំបូងមក ឃើញថាគ្រួសាររបស់តារាស្រី Due Arisara ហាក់ត្រូវបានមហាជនចាប់ក្រសែភ្នែកមើលមិនដាក់ភ្នែកឡើយ។

ពិសេសថ្ងៃគម្រប់ខួប ១ ខែកូនតូចរបស់នាងកាលពីពេលកន្លងទៅតែម្តង ដែលមហាជនមិនត្រឹមតែចាប់អារម្មណ៍ពីមុខមាត់ដ៏សែនឃ្យូដរបស់អូនតូច Silas ប៉ុណ្ណោះទេ តែអ្វីដែលអ្នកគាំទ្រចាប់អារម្មណ៍បំផុតនោះគឺ ម៉ែដោះដែលមើលថែអូនតូចនោះ ត្រូវបានគេស្គាល់ថា ជាម៉ែដោះចាស់របស់កូនតារាស្រី Margie និង បានសុំឈប់ពីការងារកាលពីពេលកន្លងទៅ ក្រោមមូលហេតុថា ទៅមើលថែអ្នកផ្ទះវិញនោះ តែបែរជាប្រទះនៅក្នុងផ្ទះតារាស្រី Due Arisara កំពុងតែបីកូនតូចរបស់នាងទៅវិញ។

យ៉ាងណាមិញ ជុំវិញចម្ងល់នេះដែរ ខាងអ្នកគ្រប់គ្រងរបស់ Due Arisara ក៏បានទម្លាយហើយថា Margie និង ស្វាមីធ្លាប់បានប្រាប់ហើយថា អ្នកមើលកូនរបស់លោកលាឈប់ចេញទៅគឺមិនបានមានជម្លោះអ្វីនោះទេ ដូច្នេះពេលនេះ Due Arisara បានជួលឱ្យមកមើលថែកូនរបស់នាង ដោយសារតែគេមានបទពិសោធមើលក្មេងតូចដែលទើបតែកើតបានស្ទាត់ជំនាញ៕