ក្ដៅៗ! ទ្រាំលែងបាន Jackson Wang ចេញមកពន្លះផាំងៗ ក្រោយគេចោទពាក់ព័ន្ធរឿងអាស្រូវជាមួយ Li Yifeng

ថ្មីៗនេះ ពិតជាភ្ញាក់ផ្អើលខ្លាំងណាស់ ក្រោយតារាប្រុស Li Yifeng បានក្លាយជាតារាចិនម្នាក់ទៀតហើយ ដែលកំពុងផ្ទុះរឿងអាស្រូវធ្ងន់ធ្ងរ ពាក់ព័ន្ធនឹងរឿងការប្រើប្រាស់សេវាកម្មពេស្យាចារជាច្រើនដងដោយខុសច្បាប់។

ក្នុងនោះ តារាប្រុសរូបនេះ ក៏សារភាពហើយថា ខ្លួនពិតជាបានប្រព្រឹត្តអំពើបែបនេះពិតមែន ហើយរូបលោកក៏ត្រូវខាងប៉ូលិសក្រុងប៉េកាំងឃាត់ខ្លួនទៅហើយផងដែរ រង់ចាំការស៊ើបអង្កេតកាត់ទោសជាបន្តទៀត។

យ៉ាងណាមិញ នៅក្នុងរឿងអាស្រូវមួយនេះ តារាប្រុស Jackson Wang ក៏ត្រូវបានគេទាញមកពាក់ព័ន្ធផងដែរ ដោយមានស្រ្តីម្នាក់បានទម្លាយថា មានតារាៗច្រើនរូបណាស់ ដែលបានប្រព្រឹត្តដូចជា Li Yifeng បែបនេះ ដែលនាងបានទម្លាយជាតួអក្សរផ្តើមរបស់ត្រកូលពួកគេ ហើយក្នុងនោះគឺមានអក្សរ W ទើបគេសង្ស័យថាជា Jackson Wang នេះឯង។

យ៉ាងណាមិញ ការសង្ស័យមួយនេះ បានធ្វើឱ្យមហាជនអ្នកគាំទ្រជាច្រើនបារម្ភតក់ក្រហល់នៅមិនសុខឡើយ ព្រោះខ្លាចតារាសំណព្វចិត្តមានការពាក់ព័ន្ធកាន់តែធ្ងន់ធ្ងរជាមួយរឿងនេះ។ យ៉ាងណាមិញ​ នៅថ្ងៃទី ១៥ ខែកញ្ញា ឆ្នាំ ២០២២ តារាប្រុស Jackson Wang ក៏បានចេញមុខមកបកស្រាយ ឱ្យមហាជនអ្នកគាំទ្រអស់បារម្ភហើយ។

ក្នុងនោះ ប្រុសស្អាត Jackson បានទម្លាយនៅក្នុងបណ្តាញសង្គម Twitter របស់ខ្លួនដូច្នេះថា «ថ្ងៃណាមួយ អ្នកប្រាកដជាដឹងថា ខ្ញុំធ្វើរាល់ថ្ងៃនេះ ដើម្បីសិល្បៈ ដើម្បីមនុស្សរបស់ខ្ញុំ ដើម្បីប្រវត្តិសាស្រ្ត ខ្ញុំមិនមានពេលទៅធ្វើអ្វីផ្សេងនោះទេ។ នេះហើយ​ ខ្ញុំមានតែប៉ុណ្ណេះប៉ុណ្ណោះ»។ លោកបានបន្តទៀតថា «ផ្តោត អ្វីផ្សេងគឺគ្រាន់តែជាសំឡេង ត្រូវខិតខំប្រឹងប្រែងធ្វើការ។ មនុស្សខុសគ្នា មានការសង្កេតការយល់ឃើញផ្សេងគ្នា ពួកគេចង់ឃើញនូវអ្វីដែលពួកគេចង់ឃើញប៉ុណ្ណោះ។ វាពិតជាល្អមើលណាស់»។

យ៉ាងណាមិញ មហាជនអ្នកគាំទ្រ ក៏បាននាំគ្នាចូលទៅលើកទឹកចិត្តលោកផងដែរ ហើយក៏អរគុណលោកដូចគ្ នាដែលចេញមុខ​មក​បកស្រាយឱ្យអស់ក្ដីបារម្ភបែបនេះ៕