Kim Berley មុនក្លាយជាកំពូលតារា នាងមានប្រវត្តិចូលសិល្បៈតាមរយៈការងារនេះ

ជឿជាក់ថាប្រិយមិត្តច្បាស់ជាបានស្គាល់ជាក់ជាពុំខានពី កំពូលតារាសម្ដែងស្រី Kim Berley ដែលជាតារាសម្ដែងកូនកាត់ថៃ និង អាឡឺម៉ង់ តែងទទួលបានការគាំទ្រខ្លាំងពីសំណាក់មហាជន។ បច្ចុប្បន្នតារាស្រីរូបនេះ គឺជាគូស្នេហ៍តារាសម្ដែងប្រុស Mark Prin ដោយឆាប់ៗខាងមុខនេះអ្នកទាំងពីរក៏នឹងកាន់ដៃគ្នាចូលរោងការផងដែរ។

Kim Berley ជាតារាស្រីដែលមានទាំងសម្រស់ ទេពកោសល្យ និង ចំណេះដឹង។ តារាស្រីរូបនេះបានបញ្ចប់ការសិក្សាផ្នែកសិល្បៈ។ បើនិយាយពីប្រវត្តិសិល្បៈវិញ តារាស្រី Kim បានចូលប្រឡូកតាំងតែនាងមានអាយុ ៨ ឆ្នាំមកម៉្លេះ ដោយនាងបានដើរតួសម្ដែងក្នុងស្ពតពាណិជ្ជកម្មផលិតផលភេសជ្ជៈមួយ។ ក្រៅពីថតស្ពតនាងក៏ជាតួសម្ដែងក្នុង MV ផងដែរ។

ដោយមើលឃើញថា ខ្លួនមានទេពកោលស្យ និង ស្រឡាញ់វិស័យសិល្បៈតារាស្រី Kim ក៏បានប្រឡូកចូលផ្នែកសម្ដែងយ៉ាងពេញមុខពេញមាត់ ក្នុងស្ថានីយទូរទស្សន៍ប៉ុស្តិ៍លេខ ៣ ថៃ រហូតបច្ចុប្បន្នបានសាងកេរ្តិ៍ឈ្មោះ និង ស្នាដៃសម្ដែងយ៉ាងច្រើនសន្ធឹកសន្ធាប់។ មិនត្រឹមតែមានអាជីពជាតារាសម្ដែង នាងក៏ជាតារាបង្ហាញម៉ូដម្នាក់ផងដែរ។ ជារឿយៗ គេតែងឃើញក្រុមហ៊ុនល្បីៗតែងអញ្ជើញនាងទៅដើរម៉ូដនៅក្នុងកម្មវិធីធំៗ មិនថាជាតិ និង អន្តរជាតិជាច្រើន៕