Sunny សុខចិត្តប្រកាសដើរចេញពីសិល្បៈរកលុយបានរាប់លាន ព្រោះហេតុផលរាក់កំភែលមួយ

ជឿជាក់ថាប្រិយមិត្តដែលនិយមទស្សនាខ្សែភាពយន្តថៃ និង រឿងភាគថៃច្បាស់ជាស្គាល់ជាក់ជាមិនខាន តារាសម្ដែងមុខក្រមិចក្រមើមរូបសង្ហា Sunny Suwanmethanont ដែលជាតារាសម្ដែងមានសមត្ថភាពម្នាក់ក្នុងសង្គមសិល្បៈថៃ ហើយទទួលបានការគាំទ្រខ្លាំងពីសំណាក់មហាជនក្នុង និង ក្រៅប្រទេស។

កាលពីពេលថ្មីៗនេះ ស្រាប់តែតារាប្រុស Sunny បានប្រកាសថានឹងផ្អាកពីសិល្បៈ ធ្វើឱ្យមហាជនមានការភ្ញាក់ផ្អើលជាខ្លាំង។ ក្នុងនោះសម្រាប់មូលហេតុវិញគឺរឹតធ្វើឱ្យមហាជនមិនស្មានទៀត ដោយលោកបានទម្លាយថា កាលដែលលោកចាកចេញពីសិល្បៈ ព្រោះលោកជាប់រវល់មើលសត្វឆ្មា។

លោកបានបន្តថា ការសម្ដែងត្រឹមការងារមួយដែលលោកស្រឡាញ់ចូលចិត្តប៉ុណ្ណោះ រីឯអាជីពពិតប្រាកដលោកគឺចិញ្ចឹមសត្វឆ្មា។ ទន្ទឹមនឹងការទម្លាយនេះហាក់ធ្វើឱ្យមហាជនមិនអស់ចិត្តឡើយ ព្រោះហេតុផលមិនសូវសមស្រប។ ដូចនេះមានតែរង់ចាំការបកស្រាយឱ្យបានច្បាស់លាស់ពីលោកបាននៅពេលក្រោយ៕