បុរសឯក ឡៅ បញ្ញា ជះភាពសង្ហាខ្លាំងពេលស្លៀកឈុតប្រពៃណី ធ្វើឱ្យអ្នកគាំទ្រញ័របេះដូង
បើនិយាយចំពោះ លោក ឡៅ បញ្ញា ដែលជាបុរសឯក Mister Supranational Cambodia ២០២១ កំពុងតែក្ដោបបានប្រជាប្រិយភាពខ្លាំងក្នុងវិស័យបុរសឯក ដែលលោកបានក្លាយជាបុរសឯកដ៏លេចធ្លោមួយរូបក្នុងចិត្តមហាជនក្រោយពីបញ្ចប់បេសកម្មតំណាងប្រទេសកាលពីកន្លងទៅនោះ។
ម្យ៉ាងវិញទៀត បុរសឯករូបនេះ មិនត្រឹមតែទទួលបានការចាប់អារម្មណ៍ និង សរសើរខ្លាំងពីមហាជនជាមួយសមត្ថភាពក្នុងវិស័យបុរសឯកនោះទេ តែលោកក៏កំពុងឆក់បានការអារម្មណ៍ខ្លាំងពីអ្នកគាំទ្រ ជាពិសេសនារីៗ ជាមួយនឹងរូបសម្រស់ដ៏ស្រស់សង្ហា ញញឹមស្រស់ មុនមាត់មានមន្តស្នេហ៍របស់លោក ដែលតែងបញ្ចេញរូបភាពបង្អួតសាច់ដុំធំៗ ជាមួយស្ទីលលេងខ្លួនប្លែកស្អាតៗ ជាហូរហែលើបណ្ដាញសង្គមនោះ។
ជាក់ស្ដែងថ្មីៗនេះ លោក ឡៅ បញ្ញា កាន់តែធ្វើឱ្យមហាជនអ្នកគាំទ្រចាប់អារម្មណ៍ទៀត ខណៈបានឃើញ បុរសឯករូបនេះ បង្ហោះរូបភាពប៉ុន្មានសន្លឹកលើគណនីហ្វេសប៊ុកក្នុងឈុតសម្លៀកបំពាក់ប្រពៃណីខ្មែរយ៉ាងសមសួន ថតរូបបង្ហាញស្នាមញញឹមយ៉ាងទាក់ចិត្តដែលកាន់តែជះសម្រស់សង្ហាមួយកម្រិតទៀត។
ជាមួយនឹងរូបសម្រស់លោក ឡៅ បញ្ញា ក្នុងឈុតប្រពៃណីខ្មែរប៉ុន្មានសន្លឹកនេះ កំពុងតែផ្ទុះការចាប់អារម្មណ៍ និង មានការសរសើរខ្លាំងពីសំណាក់អ្នកគាំទ្រជាច្រើនផងដែរ៕
