Dilraba ឆ្លើយតបបែបនេះ ក្រោយរងការរិះគន់ពីទស្សនិកជនពេលកំពុង Live ផ្ទាល់
អាចនិយាយបានថា តារាសម្ដែងស្រី Dilraba Dilmurat គឺជាតារាស្រីកំពូលសម្រស់មួយរូបក្នុងវិស័យកម្សាន្តចិន។ ចំណែកឯជំនាញសម្ដែងរបស់នាងវិញ ពិតជាគួរឱ្យសរសើរមិនធម្មតានោះទេ។
យ៉ាងណាមិញ កន្លងទៅ ២ ទៅ ៣ ថ្ងៃមុននេះ តារាស្រីរូបនេះ បានចេញមកនិយាយជាមួយអ្នកគាំទ្រផ្ទាល់ តាមរយៈការ Live ផ្ទាល់នៅលើបណ្តាញសង្គម បន្ទាប់ពីពេលមានមតិរិះគន់មួយចំនួនបានត្អូញត្អែរនៅអ៊ីនធឺណេតថា មិនចូលចិត្តសក់របស់នាង ដែលមើលទៅឡើងខ្លាញ់ អំឡុងពេលតារាស្រីរូបនេះ បានចេញមក Live ញ៉ាំស៊ុបឆ្នាំងភ្លើង។
ក្នុងនោះដែរ តារាស្រីរូបនេះបានចេញមកឆ្លើយតបយ៉ាងត្រជាក់ថា ៖ «ការពិតមិនមែនទេ! ដោយសារខ្ញុំទើបតែកក់សក់កាលពីព្រឹក។ ហើយមើលទៅសក់មិនសូវមានរបៀបរៀបរយ»។ ទោះជាយ៉ាងណា មតិរិះគន់មួយចំនួនប្រហែលមិនមែនជាអ្នកគាំទ្រពិតនោះទេ ប៉ុន្តែបើសិនជាអ្នកគាំទ្រពិតប្រាកដ មិនមែនបញ្ចេញមតិថា Dilraba រាងមិនស្អាតដូចជាការថតផ្សព្វផ្សាយនោះទេ៕
