(វីដេអូ) ញាក់! ខួបកំណើត Tong Tong ឆ្នាំនេះ Best ទិញកាដូជូនឡើងជ្រែកខ្លួន ឯតម្លៃវិញកប់ណាស់
ចាប់តាំងពីសាងស្នេហ៍ដ៏ផ្អែមល្ហែមអស់ជាង ១ ឆ្នាំ គូស្នេហ៍តារាប្រុសស្រីវ័យក្មេង Tong Tong និង Best នៅតែបន្តចាប់ដៃគ្នាមិនលែងឡើយ បើទោះបីជាកន្លងមកធ្លាប់មានអាស្រូវថាអ្នកទាំងពីរបែកបាក់គ្នាក៏ដោយ ពិសេសចុងក្រោយនេះអ្នកទាំងពីរទើបតែដឹកដៃគ្នាទៅផ្អែមល្ហែមនៅក្រៅប្រទេសទៀតផង។
យ៉ាងណាមិញ បន្ទាប់ពីដឹកដៃគ្នាហោះទៅកម្សាន្តនៅប្រទេសកូរ៉េខាងត្បូងរួចមិនបានប៉ុន្មាន ត្រឡប់មកវិញក៏ត្រូវឆ្លងថ្ងៃកំណើតរបស់អ្នកកំលោះ Tong Tong គម្រប់អាយុ ២៧ ឆ្នាំទៀត។
អ្វីដែលកាន់តែពិសេស គ្រាន់តែឆ្លងថ្ងៃកំណើតសង្សារបណ្តូលចិត្តកាលពីថ្ងៃទី ២៧ ខែកញ្ញា ឆ្នាំ ២០២២ កន្លងទៅ មហាជនលាន់មាត់សរសើរដល់ Best ស្ទើរតែគ្រប់គ្នា ខណៈនាងមិនត្រឹមតែបង្ហាញពីក្តី ស្រឡាញ់ និង បារម្ភដល់មិត្តប្រុសនោះទេ តែបើងាកទៅមើលកាដូដែលនាងជូនទៅមិត្តប្រុសសម្លាញ់ចិត្តវិញក៏មិនធម្មតាដែរ ដោយមានទាំងអាវ កាបូប ខ្សែ-ក នាឡិកាដ៏ស្រស់ស្អាត រីឯតម្លៃសរុបនៃកាដូដែលនាងបានទិញឱ្យគូស្នេហ៍នោះក៏មិនធម្មតាដែរ សរុបទាំងអស់ ៥២០ ០០០ បាតឯណ្ណោះ ដែលស្មើនឹងប្រាក់ដុល្លារជាង ១ ម៉ឺនដុល្លារផងដែរ៕
