ក្ដៅដូចបាយពុះ! អ្នកគាំទ្រម្នាក់ដៀល Dilraba ថាមុខអាក្រក់ ស្រាប់តែនាងតបទៅវិញមួយឆ្ងាញ់
កាលពីថ្ងៃទី ២៦ ខែកញ្ញា ឆ្នាំ ២០២២ តារាសម្ដែងស្រី Dilraba Dilmurat បានបង្ហាញមុខនៅក្នុងការ Live ផ្ទាល់ជជែកកម្សាន្តជាមួយនឹងអ្នកគាំទ្រ ខណៈពេលកំពុងញ៉ាំស៊ុបឆ្នាំងភ្លើង នៅឯភោជនីយដ្ឋានមួយក្នុងប្រទេសចិន។
នៅថ្ងៃនោះដែរ តារាស្រីរូបនេះបានទាក់ទាញប្រជាប្រិយភាពពីអ្នកគាំទ្រ និង អ្នកទស្សនាក្នុងបណ្តាញសង្គមយ៉ាងខ្លាំង ដោយសារតែភាពស្រស់ស្អាតមានមន្តស្នេហ៍របស់នាង។
យ៉ាងណាមិញ អំឡុងពេលជជែកលេងកម្សាន្តជាមួយនឹងអ្នកគាំទ្រ ក៏មានមនុស្សមួយចំនួនបានចូលមកបញ្ចេញមតិដោយប្រើពាក្យពេចន៍អាក្រក់ៗចំពោះនាង មើលងាយលើរូបសម្រស់ជាសាធារណៈដាក់អ្នកទស្សនារាប់លាននាក់។
ដោយពាក្យរិះគន់ជាសាធារណៈទាំងនោះ បាននិយាយថា ៖ «មុខអាក្រក់ណាស់»។ ទោះជាយ៉ាងណា Dilraba បានឆ្លើយតបវិញដោយត្រង់ នៅមុខការ Live ផ្ទាល់ដោយនិយាយថា ៖ «ខ្ញុំមិនស្អាតទេ អរគុណចាស ដែលមើលមកមនុស្សមុខអាក្រក់ដូចខ្ញុំ»។ ស្រាប់តែភ្លាមនោះ ក៏មានមតិមួយចំនួនទៀតបានបញ្ចេញមតិបែបកំប្លែងថា ៖ «បើសិន Dilraba ត្រូវគេគិតថាមុខអាក្រក់ ខ្ញុំលែងចេះមើលថាសម្រស់ស្អាតយ៉ាងម៉េចវិញហើយ»។
ទោះជាយ៉ាងណា ទស្សនិកជននៅទីនោះបានកោតសរសើរយ៉ាងខ្លាំង ចំពោះអត្តចរិតរបស់នាង រួមទាំងសម្រស់ ពិតជាស័ក្តិសមទទួលបានឈ្មោះជាតារាស្រីលេចធ្លោមួយក្នុងវិស័យកម្សាន្តចិន ប្រាកដមែន៕
