(វីដេអូ) សុតធីតា បញ្ជាក់មូលហេតុ ពីរឿងមួយរយៈមុន សម្រេចស្លៀកពាក់ស សមាធិនៅក្នុងវត្ត

កន្លងមកមហាជនច្បាស់ជាបានជ្រាបហើយ ក្រោយកម្មវិធី Miss Grand Cambodia ២០២២ បានប្រកួតវគ្គផ្ដាច់ព្រ័ត្ររួចរាល់ កញ្ញា ប៉ូគឹមថេង សុតធីតា Miss Grand Cambodia 2021 ក៏បានធ្វើការស្លៀកពាក់សហូបអាហារបួស និង ធ្វើការសមាធិនៅក្នុងវត្តអារាមមួយ បង្ហាញពីសេចក្ដីជ្រះថ្លា និង ស្វែងរកសេចក្ដីស្ងប់សុខមួយរយៈ។

ក្នុងនោះ ក្រោយពីធ្វើការស្លៀកពាក់សហូបអាហារបួស និង ធ្វើការសមាធិរយៈពេលប្រមាណ ១ សប្តាហ៍ ហើយនោះ កញ្ញា ប៉ូគឹមថេង សុតធីតា ក៏បានបង្ហាញវត្តមានជាថ្មីហើយ នៅក្នុងវិស័យសិល្បៈ។

ដោយឡែកពាក់ព័ន្ធ នឹងមូលហេតុធ្វើឱ្យ Miss Grand Cambodia 2021 កញ្ញា ប៉ូគឹមថេង សុតធីតា បានសម្រេចចិត្តភ្លាមៗទៅស្លៀកពាក់ឈុតស តាំងសមាធិលាចាកវិស័យសិល្បៈមួយរយៈ ក៏ទើបតែបានទម្លាយនៅក្នុងកម្មវិធី V Talk ថ្មីៗនេះថា «ក៏ព្រោះតែកញ្ញាមានសម្ពាធច្រើន តែក៏ព្រោះខ្លួនជាមនុស្សមហាជន ទើបមិនអាចបញ្ចេញ មិនអាចបង្ហាញបាន ចឹងមានតែការដោះស្រាយតាមវិធីស្ងប់ស្ងាត់។ ជាងនេះទៅទៀត កញ្ញាគិតថា ជីវិតយើងម្នាក់ៗត្រូវចំណាយពេលម្តងជួបព្រះធម៌ ហើយកញ្ញាគិតថាគួរសន្សំបុណ្យខ្លួនឯង និង សន្សំបុណ្យសម្រាប់គ្រួសារផងដែរ»៕