Angela Baby បង្ហាញខ្លួនទាំងមិនផាត់មុខ អ្នកគាំទ្រលាន់មាត់ពេលឃើញសម្រស់ហ្ស៊ីន
កាលពីពេលថ្មីៗនេះ អ្នកនិយមលេងអ៊ីនធឺណេតមានការភ្ញាក់ផ្អើលយ៉ាងខ្លាំង នៅពេលបានឃើញតារាសម្ដែង Angela Baby ជាតារាស្រីកំពូលសម្រស់របស់ចិន នៅលើបណ្តាញសង្គមជាមួយនឹងសម្រស់ហ្ស៊ីន ដោយមិនបានផាត់មុខ។
ទោះជាយ៉ាងណា អ្នកនិយមលេងក្នុងបណ្តាញសង្គមបានលើកសរសើរពីរូបនាងថា នៅតែស្អាត បើទោះបីជានាងមិនបានតែងខ្លួនស្លៀកពាក់សម្លៀកបំពាក់ឡូយឆាយក៏ដោយ។
ក្នុងរូបថតនោះ Angela Baby បានស្លៀកសម្លៀកបំពាក់សាមញ្ញបំផុត ជាមួយនឹងស្បែកជើងពណ៌ស ហើយមិនបានផាត់មុខ បង្ហាញច្បាស់ពីសម្រស់មុខមាត់ពិត។ ហើយរឿងដែលគួរឱ្យភ្ញាក់ផ្អើលនោះគឺ នៅលើផ្ទៃមុខកំពូលតារាស្រីចិនរូបនេះ មើលមិនឃើញមានស្នាមជ្រីវជ្រួញ សូម្បីតែបន្តិច។
យ៉ាងណាមិញ អ្នកនិយមលេងក្នុងបណ្តាញសង្គមដែលជាអ្នកគាំទ្ររបស់តារាស្រីរូបនេះ ពួកគេគ្រប់គ្នាបានចូលមកបញ្ចេញមតិលើកសរសើរដល់នាង ដោយមិនប្រកាន់ខ្លួនជាតារាល្បី ព្រមទាំងមានកាយវិការល្អ៕
