ទើបរៀបចំខួបកំណើតកូនយ៉ាងហ៊ឹកហ៊ាក់ សួស វីហ្សា ទិញឡានទំនើប BMW សម្ញែងមួយគ្រឿងទៀត

មហាជនអ្នកដែលនិយមតាមដានជីវិតឯកជនរបស់គូតារាប្រុសស្រី អ្នកនាង សួស វីហ្សា និង លោក ថមមី ប្រាកដជាបានដឹងមកហើយថា ប្ដីប្រពន្ធអ្នកសិល្បៈមួយគូនេះ កំពុងតែរស់នៅក្នុងជីវិតមួយបែបអភិជន បន្ទាប់ពីកាន់តែទទួលបានភាពជោគជ័យលើមុខជំនួញក្នុងដៃជាច្រើន ដែលតែងតែបង្ហាញនូវជីវិតយ៉ាងមានសុភមង្គលហាយសូរ ចាយលុយទិញឡានទំនើបៗ ទិញផ្ទះរាប់ម៉ឺនដុល្លារជាបន្តបន្ទាប់។

ជាក់ស្ដែង នៅក្នុងឆ្នាំ ២០២២ នេះ ប្ដីប្រពន្ធអ្នកសិល្បៈមួយគូនេះកាន់តែទទួលបានការចាប់អារម្មណ៍យ៉ាងខ្លាំង ក្រោយពីអ្នកនាង សួស វីហ្សា និង លោក ថមមី កាន់តែបង្ហាញពីជីវិតអភិជនឮ ចាយលុយទិញផ្ទះវីឡាយ៉ាងប្រណីតស្កឹមស្កៃរាប់សែនដុល្លារ និង រថយន្តម៉ាកទំនើបជាបន្តបន្ទាប់។

លើសពីនោះ កាលពីថ្ងៃទី ០៩ ខែតុលា ឆ្នាំ ២០២២ អ្នកនាង សួស វីហ្សា និង លោក ថមមី ក៏ទើបតែរៀបចំកម្មវិធីខួបកំណើតឱ្យកូនស្រីបណ្តូលចិត្តយ៉ាងធំដុំអញ្ចើញសុទ្ធតែលំដាប់អ្នកជំនួញចូលរួមយ៉ាងច្រើនកុះករ ស្រាប់តែនៅថ្ងៃទី ១០ ខែតុលា ឆ្នាំ ២០២២ នេះ ស្វាមីភរិយាគូនេះ ក៏បានទិញឡានទំនើបមួយគ្រឿងទៀតម៉ាក BMW ដែលមានតម្លៃខ្ទង់ម៉ឺនដុល្លារឯនោះ។

ការបង្ហាញពីការចំណាយខ្ទង់ៗម៉ឺនក្នុងការរៀបចំកម្មវិធី និង ការទិញសម្ភារទំនើបៗនេះហើយ បានធ្វើឱ្យមហាជនលើកឡើងថា អ្នកនាង សួស វីហ្សា និង លោក ថមមី ពិតជាតារាប្រុសស្រីអភិជនយ៉ាងពិតប្រាកដមែន៕