កក្រើកហើយ! បវរកញ្ញា ៥ រូប រួមគ្នាសម្តែងភាពយន្តខ្នាតធំ «អប្សរាមហាអង្គរ»
កាលពីកន្លងទៅនេះ ឯកឧត្តម ហ្វៃ សំអាង អ្នកដឹកនាំភាពយន្តដ៏ល្បីក្នុងប្រទេសកម្ពុជាបានប្រកាសឱ្យដឹងថា ពេលនេះឯកឧត្តមកំពុងត្រៀមដឹកនាំសម្តែងខ្សែភាពយន្តខ្នាតធំបែបប្រវត្តិសាស្រ្តមួយមានចំណងជើងថា «អប្សរាមហាអង្គរ» ដោយក្នុងនោះមានការបង្ហើបថា នឹងមានតួអង្គជាតារាល្បីៗជាច្រើន ព្រមទាំងបវរកញ្ញាចំនួន ៥ រូប ក៏នឹងមានវត្តមានចូលរួមសម្តែងក្នុងរឿងនេះផងដែរ។
តួយ៉ាង មកដល់ពេលនេះ ឯកឧត្តម ហ្វៃ សំអាង ក៏បានប្រកាសពីវត្តមានបវរកញ្ញាទាំង ៥ រូប និង រួចហើយដែរ ដែលកាន់តែធ្វើឱ្យមហាជនអ្ទះសារចង់ទស្សនាផ្ទាំងទស្សនីយភាពដ៏អស្ចារ្យនៃខ្សែភាពយន្តថា «អប្សរាមហាអង្គរ» កាន់តែខ្លាំងឡើងថែមទៀត។ ក្នុងនោះ រួមមាន កញ្ញា ប៉ូគឹមថេង សុតធីតា កញ្ញា សេង រដ្ឋា និង កញ្ញា ពេជ្រ វត្តីសារ៉ាវឌ្ឍី កញ្ញា រឿន ណាត និង កញ្ញា ប៊ី សុធារី។
១. កញ្ញា ប៉ូគឹមថេង សុតធីតា Miss Grand Cambodia 2021 សម្តែងជាតួព្រះជាយាទី ១ ព្រះនាមថា កែវ មណី ជាអង្គក្សត្រិយមានព្រះហទយ:ធំទូលាយប្រៀបបាននឹងលំហមេឃ ជ្រៅជាងជ្រោះ ល្វឹងល្វើយដូចមហាសមុទ្រ ស្វែងរកព្រះជាយាមកថ្វាយព្រះ ភស្តា អ្នកណាក៏កោតស្ញប់ស្ញែង និង សរសើរ។
២. កញ្ញា សេង រដ្ឋា Miss Grand កំពង់ធំ 2020 សម្តែងជាតួពីររូប (ភ្លោះ) ជារាជាបុត្រី មានព្រះនាម ព្រះធីតា វរនន្ទ អម្ពរពេជ្រ និង ព្រះធីតា វរនន្ទ អម្ពរមាស ដែលមានព្រះរាជចរិយាខុសគ្នាដូចមេឃ និង ដី។
៣. កញ្ញា ពេជ្រ វត្តីសារ៉ាវឌ្ឍី Miss Grand Cambodia 2022 សម្តែងជាតួអង្គពីររូប (ភ្លោះ) ជាតួនាង ឆោម ឆវី និង តួនាង ឆោម ឆផ្កា។
៤. កញ្ញា រឿន ណាត Miss Universe Cambodia 2018 សម្តែងជាតួអង្គកំពូលក្សត្រិយ ដែលជាតួអង្គមួយមានព្រះទ័យ ព្រះវិសារទៈបូជាព្រះជន្មដើម្បីព្រះនគរ ព្រះនាងជ័យរាជទេវី ព្រះមហេសី ព្រះបាទជ័យវរ្ម័នទី ៧។
៥. កញ្ញា ប៊ី សុធារី អតីត Miss Universe 2017 និង ជា Miss Charm Cambodia 2021 សម្តែងជាតួអង្គ នាងខ្មុក និង អ្នកម្នាង ប្រភា ដែលជាតួមានអត្តចរិតក្រមិចក្រមើម បង្កប់ភាពច្រណែននិន្ទា ឈ្នានីស ញញឹមចាប់ដៃ សម្លក់ជាន់ជើង និង មានមហិច្ឆតាឥតស្កប់ស្កល់៕
