មុនបានជួបភរិយាបច្ចុប្បន្ន តាមពិត Bobby Au-yeung ធ្លាប់មានប្រពន្ធម្ដងហើយ
ដូចដែលអ្នកគាំទ្រវិស័យកម្សាន្តហុងកុងបានស្គាល់មកហើយ តារាសម្ដែងជើងចាស់ Bobby Au-Yeu ដែលភាគច្រើនលោកដើរតួសម្ដែងបែបកំប្លែង។ ហើយតួដែលលោកទទួលបានការគាំទ្រខ្លាំងបំផុត គឺដើរជាតួអង្គ Ben Yu ក្នុងរឿង «Files of Justice»។
Bobby Au-Yeung បានបង្ហាញខ្លួនលើកដំបូងនៅលើកញ្ចក់ទូរទស្សន៍ក្នុងឆ្នាំ ១៩៨២ ឈរលើវិថីសិល្បៈជាង ៣ ទសវត្សរ៍។
ទោះជាយ៉ាងណា បើនិយាយដល់ជីវិតឯកជនរបស់តារាជើងចាស់រូបនេះ Bobby Au-Yeung លោកបានរៀបការចំនួន ២ ដងមកហើយ។ ដោយភរិយាទី ១ របស់លោក គឺអ្នកស្រី Lau Wai-Yu បានរៀបការជាមួយគ្នាក្នុងឆ្នាំ ១៩៩១ ប៉ុន្តែអ្នកទាំងពីរបានលែងលះគ្នា ក្រោយរៀបការបាន ២ឆ្នាំ។ កន្លងផុតប៉ុន្មានឆ្នាំក្រោយ តារាប្រុសរូបនេះ បានរៀបការថ្មីជាលើកទី ២ ជាមួយនឹងអ្នកស្រី Fu Kit-han នៅឆ្នាំ ១៩៩៦ ហើយរួមរស់ជាមួយគ្នាជាប្តី-ប្រពន្ធរហូតមកដល់ពេលបច្ចុប្បន្ន៕
