មិនធម្មតា! Engfa ត្រូវគេចាត់ទុកជាបវរកញ្ញាថៃដំបូងគេ មានតាមដានច្រើនលើសលុប

ក្រោយពីទទួលបានតំណែងជាបវរកញ្ញា Miss Grand Thailand ២០២២ មក Engfa Waraha ជាបវរកញ្ញាម្នាក់ដែលទទួលបានការគាំទ្រខ្លាំងពីសំណាក់មហាជនថៃ រហូតនាងបានទទួលការ Vote ច្រើនបំផុតក្នុងចំណោមបណ្ដាបេក្ខភាពទាំងអស់ដែលមកពីជុំវិញពិភពលោកក្នុងកម្មវិធី Miss Grand International នាឆ្នាំនេះ។

នាឆ្នាំនេះគេសង្កេតឃើញថាបរកញ្ញាថៃ ហាក់កំពុងក្តោបបាននូវប្រជាប្រិយភាពខ្លាំងមិនថាមហាជនក្នុងប្រទេសថៃ ឬក៏ក្រៅប្រទេសនោះទេ សុទ្ធតែស្រឡាញ់ពេញចិត្តចំពោះបវរកញ្ញារូបនេះគ្រប់ៗគ្នា។ តួយ៉ាងងាកទៅមើលក្នុងគណនីអ៊ីនស្តាក្រាមរបស់នាងវិញ ខណៈនេះមានចំនួនអ្នក Follow ឡើងដល់ ២.១ លាននាក់បាត់ទៅហើយ ដែលជាចំនួនមួយច្រើនជាងបក្ខភាពដទៃទាំងអស់។

រឹតតែពិសេស Engfa ត្រូវបានអ្នកគាំទ្រថៃចាត់ទុកជាបវរកញ្ញាថៃទី ១ ដែលមានអ្នកគាំទ្រ និង អ្នក Follow ច្រើនបំផុតមិនធ្លាប់មានក្នុង IG។ ជាការពិតសម្រាប់ឆ្នាំនេះ មហាជនថៃពិតជាមានក្ដីរំពឹងខ្ពស់ណាស់ថាបវរកញ្ញាថៃ Engfa នឹងអាចទទួលបានមកុដក្លាយជា Miss Grand International ដែលតំណាងឱ្យប្រទេសថៃដំបូងគេផងដែរ៕