Mew ទម្លាយច្បាស់ៗពីទំនាក់ទំនងជាមួយ Tul Pakorn ក្រោយធ្លាយរូបដើរលេងស្និទ្ធស្នាលពីរនាក់នៅអាមេរិក
កាលពីថ្ងៃទី ០៤ ខែតុលា ឆ្នាំ ២០២២ កន្លងទៅនេះ តារាសម្ដែង Mew Suppasit បានធ្វើដំណើរទៅទីក្រុង New York សហរដ្ឋអាមេរិក ដើម្បីលម្ហែកាយ និង សាកថ្មជីវិតឱ្យខ្លួនឯង ដែលធ្វើឱ្យមហាជនមានការភ្ញាក់ផ្អើលខ្លាំង ព្រោះលោកទៅស្ងាត់ៗមិនបានឱ្យដំរួយដល់អ្នកគាំទ្រឡើយ។
ខណៈកំពុងតែដើរកម្សាន្តនៅទីក្រុង New York អ្នកកំលោះ Mew បានចេញមកបង្ហោះរូបភាពយ៉ាងស្រស់ស្អាត ថែមជាមួយនឹងទិដ្ឋភាពអគារខ្ពស់ៗ នាពេលរាត្រីផង បាននាំឱ្យមហាជនចូលទៅបញ្ចេញមតិអួតសរសើរសឹងគ្រប់ៗគ្នា។
អ្វីដែលសំខាន់ស្របពេលទៅដល់សហរដ្ឋអាមេរិក អ្នកកំលោះ Mew ក៏បានដើរកម្សាន្តជាមួយនឹងតារាប្រុស Tul Pakorn យ៉ាងស្និទ្ធស្នាល ដែលធ្វើឱ្យមហាជនផ្ទុះការសង្ស័យព្រាតពីទំនាក់ទំនងរបស់ពួកគេ។ ទន្ទឹមនឹងការសង្ស័យនេះ តារាប្រុស Mew ក៏បានចេញមកទម្លាយច្បាស់ៗថា លោក និង Tul គឺរាប់អានគ្នាដូចបងប្អូន តែបើមហាជនពេញចិត្តលោក និង Tul ឱ្យក្លាយជាដៃគូសម្ដែងនឹងគ្នាក៏លោកមិនថាអ្វីដែរ៕
