គ្រាន់តែ វណ្ណដា ផុសរូបស្និទ្ធនឹងតួស្រីក្នុងបទ «BONG» ពីរនាក់ អ្នកគាំទ្រជាង ២ ពាន់នាក់ React រូប Sad ព្រាត
បទចម្រៀងថ្មីរួមគ្នារបស់តារាចម្រៀងរ៉េបកម្ពុជា វណ្ណដា និង តារាចម្រៀងរ៉េបថៃ OG Bobby ចំណងជើង «BONG» បានចេញជាផ្លូវការហើយកាលពីយប់ថ្ងៃទី ២០ ខែតុលា ឆ្នាំ ២០២២ កន្លងទៅនេះ។ ក្រោយពីបទចម្រៀងខាងលើបានចេញ គឺមានការចែករំលែក និង ចូលទស្សនារាប់ម៉ឺននាក់ផងដែរ។
ជាក់ស្តែងបទ «BONG» មិនត្រឹមតែមានទំនុកភ្លេង ទំនុកច្រៀងរណ្តំចិត្តតែម្យ៉ាងទេ សូម្បីតែ MV ក៏មានការទាក់ចិត្តពីអ្នកគាំទ្រខ្លាំងណាស់ដែរ ដោយ MV មានការចូលរួមសម្តែងពីតារាចម្រៀងក្នុងផលិតកម្ម HYPETRAIN ក៏ដូចជាតារាសម្តែងស្រីស្រស់ស្អាតជាច្រើនរូបទៀត។
យ៉ាងណាមិញ អ្វីដែលធ្វើឱ្យមហាជនកំពុងផ្ទុះការចាប់អារម្មណ៍ខ្លាំងនោះ គឺតួស្រីដែលសម្តែងជាគូនឹងតារាចម្រៀងរ៉េប វណ្ណដា តែម្តង ដែលតារាស្រីរូបនោះ ត្រូវបានគេដឹងថាតារាម៉ូដែលជាជនជាតិថៃ ឈ្មោះ Jiggy។
អ្វីដែលកំពុងតែធ្វើឱ្យអ្នកលេងបណ្តាញសង្គមហ្វេសប៊ុកកំពុងផ្ទុះការចាប់អារម្មណ៍នោះ ក្រោយពី MV បានចេញជាផ្លូវការហើយ នៅលើផេករបស់ វណ្ណដា ក៏បានបង្ហោះរូបភាពក្រុមការងារ និង តួសម្តែងក្នុង MV «BONG» ដោយរួមមានរូបថតលោក ថតរួមគ្នាតែ ២ នាក់ នឹងតារាម៉ូដែល Jiggy ទៀតផង។
រូបថត វណ្ណដា ជាមួយនឹងស្រីស្រស់រូបនេះ ត្រូវបានចាប់អារម្មណ៍ថាភាគច្រើនគឺសុទ្ធតែជាអ្នកគាំទ្រនារីៗចូលទៅបញ្ចេញមតិ ហើយមតិនោះ គឺមានដូចជាខ្លះអន់ចិត្ត ខ្លះប្រចណ្ឌ ក៏មានដែរ។ ជាងនេះទៅទៀត ក្រឡេកទៅមើលការ Reaction វិញ គឺមានអ្នកចុច Sad ដល់ទៅជាង 2 K ឯនោះ។
ការបញ្ចេញមតិអន់ចិត្ត និង ចុង Reaction Sad ច្រើននាក់នោះ គឺមិនមែនមកពីអ្នកគាំទ្រមិនចូលចិត្តនោះទេ តែមហាជនបានដឹងមកហើយថា លោក វណ្ណដា គឺជាតារាចម្រៀងរ៉េបមួយរូប ដែលមានអ្នកគាំទ្រនារីស្រឡាញ់ពេញចិត្ត ដូច្នេះក្រោយពីឃើញលោកផុសរូបនឹងតួស្រីរូបនោះ នារីៗជាច្រើនក៏មានចិត្តប្រចណ្ឌ៕
