សម្មភាពអ្នកគាំទ្រខ្មែរតាមផ្ទះ ស្រែកហ៊ោបះជើងបះដៃ ក្រោយគេប្រកាសឈ្មោះកម្ពុជាចូល Top 10 MGI

ឆ្នាំ ២០២២ នេះ គឺជាប្រវត្តិសាស្ត្រមួយដែលបវរកញ្ញាខ្មែរគឺ Miss Grand Cambodia កញ្ញា ពេជ្រ វត្តីសារ៉ាវឌ្ឍី បានបើកទ្វារឱ្យកម្ពុជាចូលដល់ថប់កំពូលដោយពឹងលើសមត្ថភាពខ្លួនឯង មិនមែនជាការ Vote ឬ ជាប់ដោយការបោះឆ្នោត។

ជាមួយនឹងបានតំណែងស្ថិតក្នុង Top កំពូល ១០ នាក់ និង ក្លាយជាលំដាប់រងទី ៥ នេះ បានធ្វើឱ្យមហាជនខ្មែរទូទាំងប្រទេសសម្ដែងនូវក្ដីសាទរ និង ភាពរីករាយជាខ្លាំង ដោយបវរកញ្ញារូបនេះបាននាំប្រទេសកម្ពុជាឱ្យបរទេសស្គាល់កាន់តែច្បាស់នូវភាពខ្លាំងរបស់ខ្លួន។

ដោយឡែក ងាកទៅមើលសកម្មភាពថ្ងៃប្រកាសលទ្ធផលកាលពីរាត្រីថ្ងៃទី ២៥ ខែតុលា ឆ្នាំ ២០២២ កន្លងទៅនេះវិញ ខណៈពិធីករកំពុងតែប្រកាសបេក្ខភាពចូលទៅក្នុង Top ១០ មហាជនខ្មែរជាច្រើនដែលកំពុងទស្សនានៅតាមគេហដ្ឋាន បានលើកដៃបន់ទាំងអារម្មណ៍ភ័យរន្ធត់ ព្រោះខ្លាចខ្មែរមិនបានជាប់ លុះពេលឮពិធីករប្រកាសពថា Cambodia ចូល Top ១០ ភ្លាម ម្នាក់ៗបានស្រែកហ៊ោទះដៃ គោះចានគោះឆ្នាំង អរសប្បាយរកអ្វីផ្ទឹមពុំបាន។ កាយវិការនេះបានសម្ដែងឱ្យពីទឹកចិត្តស្រឡាញ់គាំទ្ររបស់ប្រជាជនខ្មែរ និង បវរកញ្ញាខ្មែរ ដែលជាឆន្ទៈនៃការសាមគ្គីគ្នាជាធ្លុងមួយ៕ សូមទស្សនារូបភាព និង វីដេអូខាងក្រោម៖

១.សូមចុចទីនេះដើម្បីទស្សនាវីដេអូ

២.សូមចុចទីនេះដើម្បីទស្សនាវីដេអូ

៣.សូមចុចទីនេះដើម្បីទស្សនាវីដេអូ